Etita 1:10 - Te B'aib'ara

¹⁰ Ao n te kaitiua ni bong, ao e a manging te uea, ao e a kukurei, ma ngaia are e a kawaekoaia ana iunaki ake itiman ake; Meuman, Bitita, Arebona, Bikete, Abaketa, Tetara ao Karekati.

Etita 1:10 ပူးပေါင်းရင်းမြစ်များ

Karikani B'aai 43:34

Ao a uouotaki taian am'arake nako ia man ana taibora Ioteb'a, ao e rangi n raka riki uouotakin te am'arake nakon Beniamin b'a nimaua te tai rakana nakoia ake tabeman. Ma ngaia are, a am'arake ma ni mooi ma Ioteb'a ao n reke aia tai ae moan te raoiroi.

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

Etita 1:9

Ao i mwiin tabeua te tai, ao e a manga karaoa ana baka n am'arake te ueanaine are Nei Watiti i bukiia aine.

Etita 3:15

Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Etita 7:9

Ao e taku Arebona ae temanna mai buakoia oin ana toro te uea, Te uea ae ko karineaki, e a tia ni karaoa te kainikabaeroroa ae uabwi ma uoua te miita rietana i rarikin ana auti, b'a e na kabaea roroan Moretekai i aona. Ao bon ti Moretekai ae e kaoti rongorongo ao e kamaiuko. Ao e taku te UEA, Kabaea roroan Aaman i aon oin ana kainikabaeroroa.

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Taeka n Rabakau 31:4

A na riai n aki koro ni manging ao a na aki b'arua naba te manging uea ma taan tautaeka.

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Tani Motiki-taeka 16:25

Ao a kaotinakoa Tamton man te karabuuti taan tautaeka, ao ngke a nooria aomata, ao a neboa antiia iai ni kaangai: E tiring arokara Tamton e tiringiia ara aomata bon ara kairiribai, ma e buokiira atuara n taua. A b'ainingarea Tamton teutana, ao i mwiina a tuangnga b'a e na tei i rarikin bouan te tembora ake i nuuka ake bouan te taubuki.

Tani Motiki-taeka 19:6

Ao a kaai n tekateka m'aane ake uoman akekei, ao a am'arake ni kanuaia raoi. Ao e taku taman buuna, “Nako mai. Ko na tiku riki nakon te tairiki b'a ti na kukurei.”

Ruuta 3:7

Ngke e a tia n am'arake ma ni mooi Boaati, ao e kukurei nanona, E nako ni wene i aon te b'ariko ni b'aare. Ao e karaurau n roko Ruuta, ao e ieta rabunan bukin waen Boaati, ao e wene i bukin waena.