Etira 9:8 - Te B'aib'ara

⁸ Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Etira 9:8 ပူးပေါင်းရင်းမြစ်များ

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Iobi 33:30

E karekea maiun te aomata, ao E anganna kakukurein te maiu.

Taian Areru 13:3

Te UEA ae Atuau, taiaoka ongora, ao kaekai au tataro nako. Anganai riki te matairiki, b'a I kaawa ni b'aka ni kiro ao ni mate.

Taian Areru 13:4

Ao a kaawa ni kaangai taan ribaai, “E a toka ara kai.” A na rangi ni kakatia ngkana I a konaaki.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 34:5

Onimakinna, ao kam na kukurei; Kam aki kona ni b'ainrang.

Taian Areru 85:6

Ko na manga kakorakoraira, ao ngaira, aika am Botannaomata, ti na neboiko.

Taeka n Rabakau 29:13

A riai aika a maiu ni kainano ma ake a karawaawataia ni kabane ni mwiokoa te Atua i bukin te oota n tatabemaniia nako.

Te Minita 12:11

Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.

Itaia 1:9

E na riai n tia ni mauna nako Tion kaanga Tootom ma Komora,

Itaia 14:3

E na kainaomataingkami te UEA man nanokawakimi, rawawatami, ao tautoronakimi.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Ieremia 44:14

Bon akea iroumi ae e na reke maiuna. Ane kam na iaiangoa okiran Iuta n te bong teuana, ma bon ti tabeman maibuakomi aika a na reke birinako ia man te mate ma n reke okiia.

Etekiera 14:22

Ao a uotaki nako aika a reke maiuia man abaia nako ikai i B'aburon. Etekiera, ngkana kam noora aron aia bure, ao ko na ataia iai b'a bukin tera ngkai I karaoi b'aai aikai ni kabane nakon Ierutarem.

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Tekaria 10:4

A na nako taani kairiiri man te nanai aei aika a korakora n ai aron atiibun te koona ao biinin te autinrianna ao b'aini buaka.

Tekaria 8:12

Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

1.Tamuera 14:27

Ao Ionatan e aki ataa ana kamaraia Tauro nakoia ana tautia. Ma ngaia are, e kotea ana karewe te manibeeru n tabon okona ao e anaia ni baina ni kanna. Ao e a manga rin korakorana ma angin nanona nakon te buaka.

1.Tamuera 14:29

Ao e taku Ionatan, “E rangi ni kabatiai ami kangaanga tamau. Noorai ngkai! I ti anaa teutana ana karewe te manibeeru ao e rin korakorau ma angin nanou.