Etira 9:7 - Te B'aib'ara

⁷ Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Etira 9:7 ပူးပေါင်းရင်းမြစ်များ

1.Uea 8:47

Rimwi, a na namakina aia bure ao a na butiiko kab'araan aia bure. Kaekaia ngkana a tataro ni kaaitaraa te Tembora aei ae I a tia ni karaoia i bukin n am kaawa ae Ko rineia aei i nanon te aba are Ko anganiia aia bakatibu. Ko na ongora mani mwengam i karawa nakon aia tataro korakora ao kaekai aia buubutii.

2.Rongorongo 29:6

A aki kakaonimaki tabeman ara bakatibu ao a aki ongotaeka naba iroun te UEA ae Atuara. A aki ti tannako mairoun te UEA ma a bon aki karinea naba ana Tembora.

2.Rongorongo 30:7

Kam na aki kakairi n aroia ami bakatibu ao ami koraki n Iteraera ake i meang. A aki kakaonimaki nakon te UEA, ao E bon katuuaia n ae e kakamaaku.

2.Rongorongo 34:24

“Iotia, bon te UEA Ngai! I kaantaningaia b'a n na katuaaea te aba aei ao kaaina ni kabane akana iai, n aron ae e taekinaki n te boki aei.

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 32:32

i bukin m'akuri aika a buakaka ni kabane aika a tia ni karaoaki irouia kaain Iuta ma Iteraera, n reitaki ma ibonga ma burabeti.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 44:9

Ngke kam maeka ngkoa i Ierutarem ma Iuta, kam katotongia ami bakatibu ni karaoi m'akuri aika a buakaka, kaanga ami uea ma ami ueanaine nako.

B'aeb'aeti 5:7

A bure ara bakatibu, ao a mate, ao ngaira ti a karawaawataaki i bukin aia bure.

Etekiera 11:9

Ao i mwiina, kam na tauaki ao kam na katuaaeaki irouia ianena aika kairiribai.

Etekiera 39:23

A na ataia botannaomata aika ianena b'a a kairoroaki Iteraera b'a a na kiitana oin abaia i bukina ngkai a bure nako iu. I tannako mairouia Au aomata ao I kariaia taiani kairiribai b'a a na buakaniia ma n tiringiia.

Warekaia Iteraera 32:14

Ao ngkai kam a manga karaoa naba te aro arei ngkami aomatan Reuben ao Kata; kam a rangi ni kauna riki te UEA.

1.Tamuera 12:15

Ma ngkana kam taningabono ma n kamoamoaingkami nakon te UEA, ao ane na kaaitaraingkami ma ami uea.