Etira 9:3 - Te B'aib'ara

³ E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Etira 9:3 ပူးပေါင်းရင်းမြစ်များ

2.Tamuera 1:11

Ao a raeuai aia kunnikai Tawita ma ana tautia i bukin rawawataia.

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

Neemia 1:4

Ao ngke I ongo arei, ao I tekateka ao I tang. Ao I tang i nanon tabeua te bong, ao I aki am'arake ni kaotia ae I rangi n nanokawaki, ao I tataro:

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Taian Areru 119:53

I rangi n un irouia aomata aika buakaka aika urua am Tua.

Taian Areru 143:4

Ma ngaia ae e mamara nanou, ao ai akea te bae I kona ni karaoia.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Etekiera 3:15

Ao ngke I oki ma ake tekorakina ake a maeka n te Tabuki are Abib'a i rarikin te Karaanga are Keeb'ara, ao I a tekateka i buakoia inanon itiua te bong, n tiaoki n te b'ai are e a tia n riki nako iu.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Taniera 4:19

Ao e rangi n aki kakoaua te mii arei Taniera, are arana teuana Beretiata n te aro are e aki reke te b'ai ae e na taekinna. Ao E taku te uea nakoina, “Beretiata, ko na aki raraoma n te rongorongo ane e kaotaki n te mii anne.” Ao e kaeka Beretiata, “Te uea ae ko karineaki, E bia aki nanonaki te mii aei nakoim, ma e bia nanonaki nakoia am kairiribai.

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Nakoaia Ibonga 21:5

Tai korea iran atuum ke tao buaim, ke tao ni korokoroiko ni kaotia ae ko nanokawaki.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.