Etira 9:2 - Te B'aib'ara

² A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

Etira 9:2 ပူးပေါင်းရင်းမြစ်များ

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

1.Uea 11:1

E aki tangiria te Uea b'a a na taromauriia antiia Ianena Iteraera.

Etira 10:2

Ao e taku Tekania are natin Ieiera te m'aane man ana utu Eram: Etira, ti a tia n aki ongotaeka iroun te Atua ngke ti mare ma aine aika Ianena, ma bon iai naba te kaantaninga i bukiia Iteraera,

Etira 9:12

Ao ti a tia ni kauringaki b'a ti na aki kariaia natira aine, ao natira m'aane b'a a na mare ma natiia m'aane ao natiia aine. A tuangiira naba am burabeti b'a ti na aki buokiia Ianena akekei, ke ni kamaekaia ma te rau. Ko tangirira b'a ti na rikirake ni korakora ao ni kukurei ni b'aai aika a tamaroa n te aba aei, ao n te tai teuana a na tiku nakoia natira n aki toki.

Etira 9:14

E aera ngkai ti na aki ongotaeka riki nakon am babaaire, b'a ti a manga kariaia natira m'aane ao natira aine, b'a a na mare ma Ianena aikai aika a kaakaraoi baika a bati n ribaaki? E na bon rangi ni kamaraka nanom n te aro are ko na tiringiira ni kabane iai.

Neemia 13:17

E rangi ni maraki nanou ao I taku nakoia taani kairiiri i Iuta, “Bon te m'akuri ae moan te kam'araaea te Taabatite b'ai ae kam a tia ni karaoia!”

Neemia 13:28

Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Te Otinako 19:6

aika aomata aika a katabuaki b'a au b'ai n ti Ngai, ao kam na m'akuri i buku n ai aroia ibonga.”

Te Otinako 22:31

Bon au aomata ngkami aika kam rineaki, ma ngaia ae kam na aki kang irikon taiani kao ke ami tiibu aika a tiringaki irouia maan aika moaanti. Ma kam kam'arakeia iai ami kamea.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Nakoaia Ibonga 21:15

N te aro aei, ao kanoam a kona n toro i Rou. Uringnga b'a bon te UEA Ngai, ao I a tia n rineiko.

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

1.I-Korinto 7:14

I taekina aei i bukina b'a te mm'aane ae aki onimaki e a warekaki b'a temanna ngaia i buakoia ana aomata te Atua i bukin arona ni katiteuanaki ma buuna; ao te aine ae aki onimaki e a riki b'a temanna ngaia i buakoia ana aomata te Atua i bukini buuna ngkae e onimaki. B'a ngkana tiaki arona aei, ao natiia a na katotoong aroia ataei aika natiia beekan; ma ngkana arona aei, ao a butim'aeaki natiia iroun te Atua.

2.I-Korinto 6:14

Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,

Iotua 23:12

Ngkana kam aki kakaonimaki nakoina b'a kam a manga reitaki ma nikiraia botannaomata, ma ni manga iein ma ngaiia,