Etira 9:14 - Te B'aib'ara

¹⁴ E aera ngkai ti na aki ongotaeka riki nakon am babaaire, b'a ti a manga kariaia natira m'aane ao natira aine, b'a a na mare ma Ianena aikai aika a kaakaraoi baika a bati n ribaaki? E na bon rangi ni kamaraka nanom n te aro are ko na tiringiira ni kabane iai.

Etira 9:14 ပူးပေါင်းရင်းမြစ်များ

Etira 10:10

Ao e teirake Etira are te ibonga ao e taku: Kam a tia n urua ana tua te Atua ngke kam mare ma aine aika Ianena, ao kam a manga karakaa riki namakinan te bure nakon te botannaomata ae e b'anin.

Etira 9:2

A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Neemia 13:18

E bon aki katuaaira ngkoa te Atua i bukina ngke a karaoa naba ae ai aron aei ara bakatibu? Ao ngkai ti a manga rangi ni kauna naba te Atua ni kabuakaka ana Taabati!”

Te Otinako 23:32

Ma kam na aki karaoa te boraraoi teuana ma ngaiia ke ma antiia.

Te Otinako 32:10

ao I a rangi ni un n te aro are N nang karaoi taekaia, ma ngaia are, ko na aki tautauai. Ma N na karaoia am kariki b'a te botannaomata ae e kakannato.

Itaia 1:9

E na riai n tia ni mauna nako Tion kaanga Tootom ma Komora,

Ieremia 44:9

Ngke kam maeka ngkoa i Ierutarem ma Iuta, kam katotongia ami bakatibu ni karaoi m'akuri aika a buakaka, kaanga ami uea ma ami ueanaine nako.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Warekaia Iteraera 16:21

“Kam na kararoaingkami mai rarikiia Iteraera b'a N nang tiringiia n te tai aei!”

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

I-Rom 6:1

Ao tera ngkanne ae ti na taekinna? Ti na bure nako naba b'a e aonga ni m'aiti iai te akoi?

Te Tua-Kaua 9:14

Ma ngaia are, ko na aki manga tautauai. N nang kamaunaia, ao akea man te aonnaba aei ae na manga ataia b'a a bon tia ni maiu. Ao N na kabuuburaa ma ni kakorakora riki kanoam nakoia aia botannaomata Iteraera.

Te Tua-Kaua 9:8

Kam rangi ni kauna naba te UEA n te Maunga are Tinai n te aro are E nang kamateingkami.

Tani Motiki-taeka 2:2

Ao kam berita naba b'a kam na aki boraraoakina te raoi ma botannaomata tabeua ake a maekana te aba. Ao i rarikin anne naba kam kariaia b'a kam na urui taiani baonikarea ake a anganga karea iai nakoia aia bouananti. Ma kam aki kaawakini ami berita.