Etira 8:22 - Te B'aib'ara

²² I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Etira 8:22 ပူးပေါင်းရင်းမြစ်များ

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Etira 7:28

E a tia te Atua n tuanga te uea, ma ana taan iango, ao ana mataniwi aika a m'aaka b'a a na akoai. E a tia te UEA ae te Atua ni buokai, ao I a tia ni konaa ni kairiia rikaaki taani kairiiri aika Iutaia aika a m'aiti nako Ierutarem.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Etira 7:9

n te kaitiua n ririki anne, i mwiin kiitanakin B'aburon ni moani bongin te moan nam'akaina.

Etira 8:31

Ni kauabwiin bongin te moan nam'akaina, ao ti a kiitana te Karaanga are Aawa ao ti a waaki nako Ierutarem. E tararuaira Atuara, ao ngke ti tabe ni m'ananga, ao e kararoaia ara kairiribai mani buakanakira n te aro ni karaba.

Neemia 2:9

Ao te uea, e kanakoia tabeman taian aobitia n te taanga ni buaka ao te taanga ni buaka ake taan toka i aoia aoti b'a a na irai, ao ngke I m'ananga i nanon Burawinti Maeao, I anga taian reta nakoia taian kowana.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

B'aeb'aeti 3:25

E raoiroi te UEA nakoia ake a onimakinna.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 9:15

Ma I tuai mani b'aina teuana mani baikai, ao I aki koroi naba taeka aikai b'a a aonga n reke nako iu. E raoiroi riki i buku b'a N na mate nakon ae e anaaki mai rou iroun temanna te b'ai ae I kakatonga iai.

2.I-Korinto 7:14

B'a ngke I kamoamoaingkami nakon Tito n te b'ai teuana, ao I aki mamaa; ma ngkai a koaua b'aai ni kabane ake ti taekin nako imi, ao ai aron naba ara taeka are ti kamoamoaingkami iai nakon Tito, b'a e ataaki b'a e boni koaua.

Ebera 10:38

Ao au aomata ae raoiroi e na maiu n te onimaki; ao ngkana e kerikaki, ao I bon aki kukurei i rouna.”

Iotua 22:16

“Ti kanakoaki mai rouia ana aomata te UEA ni kabane b'a ti na ongora i roumi b'a kam aera ngkai kam aki kakaonimaki nakon te UEA, b'a kam a manga katea ami baonikarea anne bon ti i bukimi? E aera ngkai kam a manga tannako mai roun te UEA ni karaoa te b'ai ae rangi ni buakaka?

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

1.Betero 3:12

B'a E tarataraia akana raoiroi te Uea, ao E ongo aia tataro, ma E ekianako akana karaoa ae buakaka.”