Etira 8:18 - Te B'aib'ara

¹⁸ E akoi te Atua nakoira, ao e karekea nanoia b'a a na kanakomaia te aomata ae e rangi ni m'aatai ae arana Terebia, ae boni kanoan Rewi man ana utu Mari. A raonna n roko tengaun ma waniman ana utu.

Etira 8:18 ပူးပေါင်းရင်းမြစ်များ

1.Rongorongo 6:1

Rewi bon tamaia Kerition, Koata, ao Merari.

1.Rongorongo 6:19

Merari bon tamaia Mari, ao Muti. Ana kariki Rewi aikai ake a manga riki b'a taani kairiiri ni bon aia kaainga n tatabemaniia nako.

1.Rongorongo 6:4

Aikai ana kariki Ereata: Bineati, Abitua,

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

Etira 7:28

E a tia te Atua n tuanga te uea, ma ana taan iango, ao ana mataniwi aika a m'aaka b'a a na akoai. E a tia te UEA ae te Atua ni buokai, ao I a tia ni konaa ni kairiia rikaaki taani kairiiri aika Iutaia aika a m'aiti nako Ierutarem.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Etira 7:9

n te kaitiua n ririki anne, i mwiin kiitanakin B'aburon ni moani bongin te moan nam'akaina.

Etira 8:16

Ma ngaia are, I kanaanako weteaia taani kairiiri ake Erietera, Ariera, Temaia, Erenatan, Iariba, Erenatan, Natan, Tekaria ao Meturam. I kanaanako naba weteaia Ioiariba ao Erenatan, ake a rangi n rabakau.

Etira 8:19

Ti boni kanakoa naba Atiabia ao Ietiaia man ana utu Merari, n reitaki ma uangaun aia utu.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Etira 8:24

I rineia tengaun ma uoman ibonga aika taani kairiiri: Terebia, Atiabia ao tengaun aia utu.

Neemia 10:12

Takuura, Terebia, Tebania,

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Neemia 2:8

N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.

Neemia 8:7

Ao i mwiin anne, ao a nako Kanoan Rewi, Ietua, Bani, Terebia, Iamin, Akuba, Tiabetai, Oria, Maateia, Kerita, Ataria, Iotabata, Anan,

Taeka n Rabakau 24:3

Kamanenaa te wanawana ma te ataib'ai i bukin katean mwengam;

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Ieremia 3:15

Ao i mwiina, N na rineia taan tautaeka aika a wanawana aika a na ongotaeka irou, ao a na kakaawakiningkami kaanga taan kaawakintiibu.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Warekaia Iteraera 3:20

Araia natin Merari mm'aane bon Maari, ao Muti. Ao aikanne natin, ao tibun Rewi mm'aane; boni ngaiia ake a riki b'a taani kairiri ni kaaingan nako Rewi.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.