Etira 8:17 - Te B'aib'ara

¹⁷ Ao i mwiina, I kanakoia nakon Ito are te tia kairiiri i Katibia, ao I tuangiia b'a a na buubutiia ma ana taani m'akuri n te Tembora b'a a na kanakomaia aomata b'a a na m'akuri n ana Tembora te Atua.

Etira 8:17 ပူးပေါင်းရင်းမြစ်များ

2.Tamuera 14:19

Ao e taku Tawita, “Bon Ioaba ae e tuangko b'a ko na karaoa aei?” Ao e taku te aine arei, “Te Uea ae ko karineaki, I tuea n aram b'a bon akea ae e konaa ni karabaa te koaua mairoum. Eng, boni ngaia ae e tuangai te b'ai ae N na taekinna,

2.Tamuera 14:3

Ao e taku Ioaba nakoina, “Karina i aom te kunnikai ni mate ao ko na aki katoka i aon moam te b'ai ni katikiraoi teuana. Naako nakon te uea ao bakaaea aongkoa ko a tia n tang n te tai ae e maan i bukin temanna ae e rangi n tangiraki.

1.Rongorongo 9:2

Koraki ake a moan okira aia kaawa bon taian ibonga, kanoan Rewi, taani m'akuri n te Tembora, ao Iteraera ake te korakina.

Etira 2:43

Aikai araia ma m'aitiia utuia taani m'akuri n te Tembora ake a oki ake a riki mairouia aomata aikai:

Etira 2:58

Bootan m'aitiia ana taani m'akuri Toromon n te Tembora ma ake bon oin ana taani m'akuri ake a oki bon tenibubua ruangaun ma uoman.

Etira 7:7

Ao a raona Etira n nako Ierutarem Iutaia ake tekorakina, n ikotaki ma ibonga, kanoan Rewi, taani katangitang, taan teiakina te Tembora, ao taani m'akuri. E riki aei n ana kaitiua n ririki Atatokititi n uea.

Etira 8:16

Ma ngaia are, I kanaanako weteaia taani kairiiri ake Erietera, Ariera, Temaia, Erenatan, Iariba, Erenatan, Natan, Tekaria ao Meturam. I kanaanako naba weteaia Ioiariba ao Erenatan, ake a rangi n rabakau.

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Warekaia Iteraera 18:6

Boni Ngai are I rineia kanoan Rewi mai buakoia baronga b'a Au b'ai, ao I a tia n anganingkami b'a buokami.

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.

Tito 1:5

I katikuko i Kirete i bukin aei, b'a ko na kaeti baike a tuai n tia, ao b'a ko na rineia naba unimm'aane n ekaretia ni kaawa nako, n ai aron are I tuangko ngkoa.