Etira 7:7 - Te B'aib'ara

⁷ Ao a raona Etira n nako Ierutarem Iutaia ake tekorakina, n ikotaki ma ibonga, kanoan Rewi, taani katangitang, taan teiakina te Tembora, ao taani m'akuri. E riki aei n ana kaitiua n ririki Atatokititi n uea.

Etira 7:7 ပူးပေါင်းရင်းမြစ်များ

Etira 6:14

Ao a nakoraoi aia m'akuri taani kairiiri mairouia taiani Iutaia n reitakinakoan karaoan te Tembora, ao a tabe Akai ma Tekaria ni kab'arab'ara ni kaungai nanoia. Ai ngaia are, e a tia te Tembora i aan ana kairiiri Atuan Iteraera, ao mai aan naba ana taeka Taraiati, ao Atatokititi are kaain Botia.

Etira 7:24

I tangiria b'a kam na ataia b'a akea te ibonga, kanoan Rewi, taani katangitang ma taan anene, taan tararua, taani m'akuri n te Tembora, ao taani m'akuri n te Tembora ake tekorakina aika a na manga kab'akai aekakin taekiti nako.

Etira 7:8

E buoka Etira te Atua, ao e roko i Ierutarem ni moani bongin te kanimaua n nam'akaina

Neemia 1:1

Bon Neemia ngai ae natin Akaria te m'aane, ao I koroi ni kabane taekan b'aai ake I a tia ni karaoi n te boki aei. Inanon te nam'akaina are Kitirewi n ana kauabwi n ririki Atatokititi n tautaekana Botia, I maeka n ana kaawa ae e buubura are e nonoaki are Tuta.

Neemia 10:28

Ti bane ma taiani ibonga, kanoan Rewi, taan tei n te tembora, taan anene, taani m'akuri ao taani kairiiri, n ikotaki ma buura ao natira, ni kaokoroira mairouia taiani iruwa n te aba aei ao ngkai ti a rin i nanon te berita ma ootara aika a tab'anin raoi n te b'ai ae ti karaoia.

Neemia 12:1

A m'aiti ibonga ao kanoan Rewi ake a oki mai B'aburon ma Terub'abera ao Iotua are aia taani kairiiri. Ibonga aikai bon Teraia, Ieremia, Etira,

Neemia 2:1

I nanon te nam'akaina ae Nitan i nanon ana kauabwi n ririki Atatokititi ni uea, ao I touatina nimana te wain, n aron are I a bon tia ni kaakaraoia mai m'aaina. Ma bon aio te moan tai ae I a tib'a taraa n nanokawaki iai i matana.