Etira 7:6 - Te B'aib'ara

⁶ Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Etira 7:6 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Etira 5:5

Ma te Atua e bon tararuaia aia taani kairiiri taian Iutaia. Ma ngaia are te koowana ma ana mataniwi, a manga iangoia b'a a nang aki katokiia aomata man karaoan te Tembora ni karokoa a tia moa ni kaongoa Taraiati man ongora ana iango iai.

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Etira 7:21

Etira, bon te ibonga ngkoe ao ko atatai n ana tua te Atua ni karawa, ao I a tia n tuangiia taani kaawakin taiani kaub'ai ni kabane n te m'akoro n tautaeka i Maeao aia kabanea n tamaroa ni buokiko.

Etira 7:28

E a tia te Atua n tuanga te uea, ma ana taan iango, ao ana mataniwi aika a m'aaka b'a a na akoai. E a tia te UEA ae te Atua ni buokai, ao I a tia ni konaa ni kairiia rikaaki taani kairiiri aika Iutaia aika a m'aiti nako Ierutarem.

Etira 7:5

natin Abitua, Bineati, Ereata, natin Aaron are te ibonga ae e rietaata.

Etira 7:9

n te kaitiua n ririki anne, i mwiin kiitanakin B'aburon ni moani bongin te moan nam'akaina.

Etira 8:1

E uea Atatokititi i Botia ngke I kairiia mai B'aburon nako Ierutarem mataniwiin bootaki n utu ake:

Etira 8:18

E akoi te Atua nakoira, ao e karekea nanoia b'a a na kanakomaia te aomata ae e rangi ni m'aatai ae arana Terebia, ae boni kanoan Rewi man ana utu Mari. A raonna n roko tengaun ma waniman ana utu.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Etira 8:31

Ni kauabwiin bongin te moan nam'akaina, ao ti a kiitana te Karaanga are Aawa ao ti a waaki nako Ierutarem. E tararuaira Atuara, ao ngke ti tabe ni m'ananga, ao e kararoaia ara kairiribai mani buakanakira n te aro ni karaba.

Neemia 12:26

A maiu m'aane aikai ni kabane i nanon ana tai Ioiakim ao i nanon naba au tai ni koowana ao ana tai n ibonga Etira are te tia reirei n ana Tua Moote.

Neemia 12:36

ngaia ma ana koraki aika Temaia, Atarera, Mirarai, Kirarai, Maai, Netanera, Iuta, ao Anani. A katangi taian b'ai ni katangitang aika taiani karai n ai aron ake a tia ni katangaki iroun Tawita are ana aomata te Atua. Ao a m'aati mai akuun Etira, are te tia reirei n te Tua.

Neemia 2:12

ao I teirake n te tairiki teuana ao I kiitana au auti. I kairiia tabeman m'aane ma ngai, ao akea temanna ae I tuangnga b'a tera ae e tangiria te UEA b'a n na karaoia nakon te kaawa are e buubura arei. Ti raou n te tai anne bon te aati are I toka i aona.

Neemia 2:18

Ao I a kaongoia aron ana akoi te Atua are e a tia ni karaoia ma ana taeka te uea nako iu. Ao a waekoa ni kaeka ni kaangai, “Ti a waakina ara kateitei ngkai!” Ma ngaia are, a katauraoi b'aai ni kabane.

Neemia 2:8

N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.

Neemia 4:15

A ataia ara kairiribai ae ti ataa aia m'akuri ni kam'ane nakoira, ma e tuukia te Atua man karaoan aia iango. Ma ngaia are, ti okiri ara m'akuri n te oo.

Neemia 8:1

Ni moanibongin te kaitiua n nam'akaina, ao a bootaki aomata n te tabo ae e kamataata i matan te Mataroa are te Ran.

Neemia 8:13

A bootaki taani kairiiri man m'akoron taiani utu ni kabane ma taiani ibonga ao kanoan Rewi ni kauabongin te kaitiua n nam'akaina, b'a e aonga ni konaa Etira n reireiniia te Tua

Neemia 8:4

E tei Etira i aon te kaintoka ae e rietaata ae te kai ae e a tia ni karaoaki i bukin te bootaki anne. A tei Matitia, Tema, Anaia, Uria, Irekia, ao Maateia i angaatain Etira, ao a tei mai angamaingina Betaia, Mitiaera, Marikiia, Atum, Ati-Batana, Tekaria, ao Meturam.

Neemia 8:9

Ao a tang aomata ngke e a warekaki ana Tua te Atua nakoia. Ao i mwiina, e taku Neemia are te koowana, Etira are te ibonga ao te tia reirei, ao kanoan Rewi ake a tia n reireiniia aomata, “Bon aio te bong ae e kaokoro i bukin ami UEA ae Atuami. Ma ngaia ae kam na aki nanokawaki ao kam na aki tang!”

Neemia 9:13

Ko ruorikaaki i Tinai mai karawa, ao Ko anganiia am aomata tuua ma reirei aika a raoiroi aika a boraoi ma n eti.

Taian Areru 109:27

Kaotia nakoia aiau b'a a aonga n ataia ae Ngkoe ae Ko kamaiuai.

Taian Areru 147:19

E anga ana taeka ma ana tua ma ana moti nakoia Iteraera.

Taian Areru 45:1

E onrake atuu n taeka aika tamaroa ngkai I otea te kuna aio i bukin te uea. Ao N na kabongana b'anaau n ai aroni kabonganan te kai ni koroboki iroun te aomata ae rabakau ni koroboki.

Taian Areru 80:18

Ao ti na aki tan nako iai mairoum; Kamaiura, ao ti na neboiko.

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Ieremia 8:8

Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 23:2

A onea mwini Moote n nakoana taani koroboki ma B'aritaio;

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

1.I-Korinto 1:20

E nga ane rabakau? E nga te b'akuaku n taekan te Tua? E nga te tia rabakau ni kauntaeka i aon te aonnaba aei? Tiaki E a tia te Atua ni karaoa te nanobaba b'a rabakaun aonnaba?

1.I-Korinto 15:1

Taari, I a manga tuangngkami te euangkerio are I taekinna nako imi, are kam kaki naba i nanomi, are kam tei naba iai,

Te Tua-Kaua 28:1

I anganingkami ana Tua ma ana Reirei te UEA ae Atuami n te bong aei. Ongotaeka nako iai n taai nako, ao ane e na karika Iteraera te UEA b'a te botannaomata ae tanoata taekana, ma n riki b'a te botannaomata ae kakannato n te aonnaba, ao E na kakab'aiaingkami n aanga aika bati.

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.