Etira 7:27 - Te B'aib'ara

²⁷ E taku Etira i bukina ngke e rangi n ataataiaomata Atatokititi: Neboa te UEA ae Atuaia ara bakatibu. E boni kabobonga raoi karinean ana Tembora i Ierutarem iroun te uea.

Etira 7:27 ပူးပေါင်းရင်းမြစ်များ

2.Rongorongo 31:8

Ao ngke a noori taian angab'ai aikai Etekia ma ana mataniwi, ao a kaaitaua te UEA ao aomata.

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Neemia 2:12

ao I teirake n te tairiki teuana ao I kiitana au auti. I kairiia tabeman m'aane ma ngai, ao akea temanna ae I tuangnga b'a tera ae e tangiria te UEA b'a n na karaoia nakon te kaawa are e buubura arei. Ti raou n te tai anne bon te aati are I toka i aona.

Neemia 2:8

N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.

Neemia 7:5

Ma ngaia are, e a anganai te Atua te iango b'a n na bootia aomata, ma taani kairiiri, mataniwi ao n tuoi rongorongon taian utu aika a eti raoi i bukiia aomata ake a tia n okirikaaki man te kataenikaiaki mai B'aburon, i mwiin uotakinakoaia iroun te uea are Nebukaneta.

Te Otinako 8:9

Ao e taku Moote, “Ko na kotea te tai are N na tataro iai i bukin taiani biraoki b'a a na toki man aki karauam, ma am aobitia, ao am aomata, ao b'a a na kitani ami auti ao a na ti noonoraki n te karaanga.”

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Itaia 60:13

A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Ruka 7:5

b'a e tangira ara botannaomata, ao e katea ara m'aneaba.”

2.I-Korinto 8:16

Ma E na katituaraoaki te Atua, are kaki i nanon Tito te nano ae ti te bo ma nanora i bukini buokami.

I-Biribi 4:10

E bati kim'areireiu ngkai I reitaki ma te UEA b'a i mwin te tai ae maan, ao e a manga uti ami iango i buku; are bon iai ngkoa i nanomi, ma e aki reke taina n oti.

Ebera 10:16

“Aio te boraraoi ae N na karaoia ma ngaiia i mwini boong akekei, bon ana taeka te Uea; N a karin au tua i nanoia, ao N na koroi i nanoia.”

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 17:17

B'a E a tia te Atua ni kaaki i nanoia te kani karaoa ana kaantaninga n te nano ae ti teuana, ao n aroia n anga m'aakaia n tautaeka nakon te man arei, ni karokoa ae a kakoroaki raoi nanon ana taeka te Atua ake a tia n taekinaki.