Etira 7:25 - Te B'aib'ara

²⁵ Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Etira 7:25 ပူးပေါင်းရင်းမြစ်များ

Karikani B'aai 41:38

ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.”

Karikani B'aai 41:39

Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

2.Uea 17:27

Ao e taku te uea, Anaa temanna te ibonga maibuakoia ibongan Iteraera ake ti uotiia mai, ao kaokia nako Iteraera. E na maeka ikekei ao e na reireiniia aron Atuan te aba arei.

1.Rongorongo 22:12

Tera ngke E anganiko te rabakau ma te wanawana, b'a ko aonga ni konaa n tautaekana Iteraera n aron are n Ana tua.

1.Rongorongo 23:4

Ao e taku, “Ana tabeakina te Tembora kanoan Rewi akana 24,000, ao akana 6,000 a na riki b'a mataniwi i nanon te Tembora ao a na riki naba b'a taani moti,

Etira 10:4

Etira, e a bon nakoim ane ko kani karaoia. Ti na bon boutokai b'aai nako akana ko karaoi. Ma ngaia are, ko na ninikoria.

Etira 6:6

Ao e kanakoa ana rongorongo Taraiati are te uea ae e kaangai: Tatenai ae te koowana ni m'akoron te tautaeka i Maeao, ao Teeta Botenai, ngkami ma ami taan iango kam na riai ni kararoaingkami man te Tembora.

Etira 7:10

E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Etira 7:14

I boraoi ni iango ma au taan iango ake itiman b'a ko konaa n nako Ierutarem ao Iuta ni kakoauaa raoi b'a e iraki ana tua Atuam.

Neemia 9:3

A tei i nanon tenua te aoa n ongora n ana Tua te UEA ae te Atua, ao manga tenua riki te aoa a manga raraoma i bukin aia bure ao a taromauriia te UEA.

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Taeka n Rabakau 6:23

Bon te taura ana Tua te UEA, ao e oota n raaitiiti ana reirei. Te kaetaki ma tauan aromi i bon iroum boni ngaia are e na kairiko nakon te maiu.

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.