Etira 7:10 - Te B'aib'ara

¹⁰ E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Etira 7:10 ပူးပေါင်းရင်းမြစ်များ

1.Rongorongo 29:18

Karaoira b'a ti na kan angaanga, ao buokiira b'a ti na kakaonimaki nakoim, n ai aroia ara bakatibu ake Aberaam, Itaaka, ao Iakob'a ake a kakaonimaki n taromauriiko.

2.Rongorongo 12:14

ma e bon teimatoa naba ni kakaraoa te kaairua ao e rawa n ongotaeka iroun te UEA.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

Etira 7:11

Bon te ibonga Etira ao te aomata ae e rangi n atatai n ana Tua te UEA, n ikotaki ma ana mwioko ake e a tia n anganiia Iteraera. N te bong teuana ao e a anga te reta te uea are Atatokititi nakon Etira ae e kaangai kanoana:

Etira 7:25

Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Iobi 11:13

Bita nanom Iobi ao nakon te Atua n tataro.

Taian Areru 1:2

Ma kukurein nanona bon ana Tua te Atua; e waawarekia ma n iaiangoia ni ngaina ao ni bong.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 119:112

I a tia ni motika nanou b'a N na ongeaba nakon am Tua ni karokoa mateu.

Taian Areru 119:45

N na maiu n inaomata, ngkai I kekeiaki n ongeaba nakon am Tua.

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taian Areru 57:7

Te Atua, e nene ni matoatoa au kaantaninga; e nene ni matoatoa. N na anene n neboiko!

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

Ioane 13:17

Ngkana kam atai baikai, ao kam a kab'aia ngkana kam karaoi.

M'akuri 1:1

Teobiro, n te boki are I moa ni koreia ao I taekin iai b'aai ni kabane ake E karaoi Iesu, ma n reirei

Te Tua-Kaua 16:12

Uringnga b'a boni buure ngkoa ngkami i Aikubita, ma ngaia are, kam riai n ongotaeka nakon tuua aikai.

Te Tua-Kaua 33:10

Kam reirei ana Tua te Atua nakoia Iteraera, ao kam anga taiani karea ao kam kabuoki taian b'ai ni kaboiarara n te tabo n taromauri.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 2:1

Ma ngkoe, ko na taekini baika kanoan te reirei ni koaua.

Tito 2:15

Ko na taekini baikai, ao ko na kaungaia ma ni boaiia am aomata ni m'aakan nakoam. E na tai kakeaa bongam temanna.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”