Etira 6:9 - Te B'aib'ara

⁹ Ao kam na riai ni katauraoi b'aai ni kabane akana a na tangiraki irouia ibonga akana i Ierutarem ni katoa bong b'a a aonga ni konaa n anga b'aintangira nakon te Atua i karawa. Anganiia taian kao ataei, tiibu m'aane, taian tiibu, ao ai uana naba ma te uita, te taoro, te wain, ao b'aan te oriwa.

Etira 6:9 ပူးပေါင်းရင်းမြစ်များ

1.Rongorongo 9:29

Ao ake tekorakina a tararuaa b'ain nanon te Tembora ma b'aai ake a tabu, n reitaki ma te buraawa, te wain, b'aan te oriwa, te b'ai ni kaboiarara, ao b'aini kaboiararaan te am'arake.

Etira 6:10

I tangiriia b'a a na konaa n anga aia karea ni kakukurei nakon te Atua ma n tataro naba ibuku ma au utu.

Etira 6:8

Kam nang riai ni moanna mangkai, i aan au taeka b'a kam na buokiia tani kairiiri i bukin kabooan aia kabane m'aane man te taekiti ake a rikoaki mani m'akoron te tautaeka i Maeao.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Mareko 9:49

A na bane aomata nako ni kataaki ri nanon te karawawataaki.