Etira 6:6 - Te B'aib'ara

⁶ Ao e kanakoa ana rongorongo Taraiati are te uea ae e kaangai: Tatenai ae te koowana ni m'akoron te tautaeka i Maeao, ao Teeta Botenai, ngkami ma ami taan iango kam na riai ni kararoaingkami man te Tembora.

Etira 6:6 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Etira 4:9

ao aia taan iango, n reitaki ma Taani Motikitaeka, taiani koowana, mataniwi, ao taani kairiiri i nanoaa. A bon raonaki ni korean taian reta aikai irouia aomata mai Ereka ao B'aburon, kaain Eram mai Tuta,

Etira 5:3

A ikotaki te koowana are Tatenai mani m'akoron te tautaeka Maeao, ao ana tia buobuoki are Teeta Botenai ao aia mataniwi. Ao i mwiina, a nako Ierutarem ao a taku nakoia aomata, “Antai ae e tuangingkami b'a kam na manga karaoa te Tembora aei?”

Etira 5:6

Ma ngaia are, a kanakoa te rongorongo te koowana are Tatenai, Teeta Botenai ao aia taani iango nakon Taraiati,

Etira 6:13

Ao a ongotaeka raoi koowana are Tatenai, Teeta Botenai, ao aia taan iango iroun te uea are Taraiati.

Etira 6:7

Kariaia aia koowana Iutaia ma aia taani kairiiri b'a a na manga katea te Tembora n te tabo are e bon tei iai mai m'aaina. Ao tai manga katokitokiia.

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?