Etira 6:22 - Te B'aib'ara

²² A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Etira 6:22 ပူးပေါင်းရင်းမြစ်များ

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Rongorongo 23:18

Ao Ieoiata e anganiia ibonga tabeia n te Tembora, n aron are e karaoia naba ngkoa Tawita. Tabeia bon te anga taiani karea nakon te UEA n aron are n ana tua Moote, ao tabeia naba kairan te anene.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 30:21

Ao a rangi ni kukurei taan taromauri i Ierutarem ao a bukamarua te Toa i nanon itiua te bong. A anene n nebo kanoan Rewi ao taiani ibonga nakon te UEA ni katoa bong ao katangi aia b'ai ni katangitang.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 35:17

A bukamarua te Toa are te Kariki ae Aki Karikaki i bukin itiua riki te bong.

Etira 1:1

N ririki ake ngkoa, ao te UEA e kanakoa Ieremia ma rongorongon te berita b'a a na kainaomataaki Iteraera mai B'aburon i mwiin itibwi te ririki i bukiia Iteraera. Ao n ana moan ririki Tairati ni uea i aon Botia, ao e kakoroa nanon ana berita te UEA ngke e karekea Tairati b'a e na kanakoa ana rongorongo ae e taabangaki ataakina ni kabutaa m'akoron nako abanueana:

Etira 6:1

Ao te uea ae Taraiati e tuangiia tabeman b'a a na wareki taian rongorongo nikawai ake a kaawakinaki i B'aburon.

Etira 7:27

E taku Etira i bukina ngke e rangi n ataataiaomata Atatokititi: Neboa te UEA ae Atuaia ara bakatibu. E boni kabobonga raoi karinean ana Tembora i Ierutarem iroun te uea.

Neemia 13:6

E riki aei ni katenibwi ma uouan ana ririki Atatokititi n tautaekana B'aburon. I aki mena i Ierutarem n te tai anne, i bukina b'a I nako ni kawaria. Rimwi riki, ao I a karekea te kariaiakaki mairoun te uea

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Etekiera 23:23

N na bootia ni kabane mataniwi aika a uarereke aika a botonim'aane ao aia aobitia aika a rietaata taani buaka mai aoia aoti mai B'aburon ao Aturia, ao ai uana naba man barongan Kareria i Bekota, Tioa ao Koa.

Mataio 26:17

Ni moani bongin te Toa are te Kariki ae Aki Karikaki, ao a nako n Iesu ana reirei, ao a kangai, “E nga te tabo ae ti na katauraoia iai i bukin te am'arake are te Riao?”

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”