Etira 6:21 - Te B'aib'ara

²¹ A kanaki taian karea irouia aomatan Iteraera ake a oki ao irouia naba aomata ake kaain rarikiia ake a tia ni kaaki katei aika a bure, ake kateia botannaomata ake tabeua b'a a aonga ni konaa n taromauriia te UEA ae Atuaia aomatan Iteraera.

Etira 6:21 ပူးပေါင်းရင်းမြစ်များ

2.Rongorongo 30:19

A reke iroun Etekia, ao e a ataa te b'ai ae a tia ni karaoia ao e tataro: “Te UEA ae te Atua, a tuai n itiaki n aron tuan baika a tabu. Ma a bon taromauriiko naba n aron are a karaoia aia bakatibu. Taiaoka, kab'arai aia bure.”

Etira 9:1

Rimwi riki, ao a roko aia taani kairiiri taian Iutaia irou ao a taku: A m'aiti Iteraera n reitaki ma taiani ibonga, ao kanoan Rewi aika a maeka n ai aroia aomata ake i rarikiia. A bon tia ni karaoi aia bure kaain Kanaan, kaain Eta, kaain Beriti, kaain Iebuti, kaain Ammon, kaain Moaaba, kaain Aikubita, ao kaain Amora aika a rangi ni kakamaaku.

Etira 9:11

ake ti anganaki mairouia am toro ake burabeti. A taku b'a e onrake te aba are ko anganiira irouia aomata aika a buakaka ma ni buubure, aika a teimatoa ni kaakaraoi b'aai aika a bati n ribaaki.

Neemia 10:28

Ti bane ma taiani ibonga, kanoan Rewi, taan tei n te tembora, taan anene, taani m'akuri ao taani kairiiri, n ikotaki ma buura ao natira, ni kaokoroira mairouia taiani iruwa n te aba aei ao ngkai ti a rin i nanon te berita ma ootara aika a tab'anin raoi n te b'ai ae ti karaoia.

Neemia 9:2

A kanakoia taian iruwa b'a a na aki iriia, ngke a ikotaki i bukin kab'araan aia bure ma aia bure aia bakatibu.

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.