Etira 6:16 - Te B'aib'ara

¹⁶ Ao a bane ni kukurei Iteraera, taian ibonga, kanoan Rewi, ao aomata ni kabane ake a tia n oki man te kataenikaiaki, ao a bane ni bukamarua a katabuan ana Tembora te Atua.

Etira 6:16 ပူးပေါင်းရင်းမြစ်များ

1.Uea 8:62

Ao Toromon ma aomata a katabua te Tembora b'a Ana b'ai te UEA,

1.Uea 8:63

ao a karean 22,000 taiani kao ao 120,000 taian tiibu b'a aia karea ni butiia te UEA ana Kakab'aia.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 9:2

Koraki ake a moan okira aia kaawa bon taian ibonga, kanoan Rewi, taani m'akuri n te Tembora, ao Iteraera ake te korakina.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 30:23

Ao a bane n rangi ni kukurei aomata ni kabane ao a kukurei ni bukamarua riki aia bootaki i nanon itiua riki te bong.

2.Rongorongo 30:26

Bon te kabanea ni buubura ni bootaki i Ierutarem man ana tai te uea are Toromon, are natin Tawita te m'aane.

2.Rongorongo 7:5

aika 22,000 taiani kao ao 120,000 taian tiibu.

Etira 4:1

A ongo aia kairiribai kaain utuun Iuta ao Beniamin te rongorongo ae a oki aomata b'a a na manga katea ana Tembora te UEA ae Atuaia Iteraera.

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Neemia 7:73

Ai ngaia are, n te kaitiua n nam'akaina, ao a maeka taiani ibonga, kanoan Rewi, taan tei n te tembora, taani katangitang, taani m'akuri ao ai bon aomata nako ni kaawan nako Iuta.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taniera 5:13

Ao e uotaki ni karinaki Taniera n te tai ae e waekoa nako matan te uea, ao e taku te uea nakoina, “Boni ngkoe Taniera, taenikain Iutaia are e anaiko tamau are te uea mai Iuta?

Ioane 10:22

E a bo tain te Toa are Katabuan te Tembora i Ierutarem; bon tain te kam'aitorotoro te tai arei.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.