Etira 6:11 - Te B'aib'ara

¹¹ Ngkana iai i buakomi ae e aki ongotaeka nakon au taeka aikai, ao e na anaaki te tatanga te kai man am auti ao e na kakangiaki tabona teuana. Ao i mwiina, e na ewaraki nako ri nanon rab'atam, ao e na kab'akaaki am auti ao e na karikaki b'a te nne ni maange.

Etira 6:11 ပူးပေါင်းရင်းမြစ်များ

2.Uea 10:27

ao a kamaerikirikia, ao i mwiina, a urubekea temboran B'aara n akea naba nikirana teutana. Ao man te tai arei, e a riki b'a te b'ai ae akea bonganana b'a e a riki b'a aia kainakotaari aomata.

2.Uea 9:37

Ao e taku b'a e na maenako rab'atan Ietebera i aontano kaanga butaeia maan, ma ngaia are, akea ae e konaa n ataia b'a antai ngaia.

Etira 7:26

Ni kabaneia koraki akana a aki ongotaeka nakon ana tua te Atua ke ana tua te uea, a na katuaaeaki n aki nanoangaaki. A na kamateaki, ke a na kainaki n te karabuuti, ke a na kanakoaki man te aba, ke a na bane n anaaki b'aai ni kabane akana a b'ain.

Etita 5:4

Ao e kaeka Nei Etita, ao e taku, Ngkana ko butim'aea au buubuti te uea, ao I tangiriko ma Aaman, b'a kam na riki b'a au iruwa nakon au baka n am'arake nakon te b'akantaai, ae N na katauraoia i bukimi.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Taniera 2:5

Ao e taku te uea nakoia, “I a tia ni baaireia i nanou b'a kam na tuangai b'a tera te mii anne, ao kam na kab'araa naba nanona. Ngkana kam aki konaa, ao N na tua b'a kam na raebitiaki, ao N na karikii ami auti b'a taian b'ariko ni maange.

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”