Etira 5:8 - Te B'aib'ara

⁸ Ti nako Iuta ike e kateaki iai ana Tembora te Atua ae e kakannato n atiibu aika a rangi ni buubura, ao tatangaia aika taiani kai aika a nim ma taian oo. A bane ni m'akuri korakora aomata, ao e buti m'aaka te m'akuri.

Etira 5:8 ပူးပေါင်းရင်းမြစ်များ

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Etira 5:7

ae a kaangai: Te uea ae Taraiati, ko na tekeraoi.

Etira 5:9

Ao ti titirakiniia ake a tararua te m'akuri b'a a na tuangiira, b'a antai ae e anganiia te kariaiakaki b'a a na manga moana katean te Tembora.

Etira 6:10

I tangiriia b'a a na konaa n anga aia karea ni kakukurei nakon te Atua ma n tataro naba ibuku ma au utu.

Etira 6:4

ao teuana te rinan ni kai aika tatanga i bukin tenua rinan n atiibu aika a buubura. A na kabooaki b'aai ni kabane mani kaub'ain te uea.

Etira 7:23

A na riai ni katauraoi b'aai ni kabane akana e na kainanoi Atuani karawa i bukin ana Tembora, b'a e aonga n aki manga un irou ao irouia uea akana a na tautaeka imwiiu.

Neemia 11:3

Ao tabeman Iteraera, ibonga, kanoan Rewi, taani m'akuri n te tembora, ao aia kariki ana taani m'akuri Toromon a boni maeka ni bon oin abaia n te kaawa are Iuta. Ma a maeka taani kairiiri ma aia utu n te burawinti i Ierutarem.

Neemia 7:6

N bon te tai naba anne, ao I kunea rongorongoia aomata ake a moan oki nako Ierutarem man te Burawinti are B'aburon Ngke I wareki araia aomata aikai, ao I a ataia b'a ngaia a bon maeka ni bon oin aia kaawa nako,

Etita 1:1

Aio te bae e riki n ana tai Keatiti, te Keatiti are e tautaeka i aon 127 te aono i aon Inria n toki i Kuuti:

Etita 1:22

Ao e bane ni kanakoi ana rongorongo te uea nako aban ana tautaeka ni kabane, n taian taetae ma koroboki ake a b'ainaki n te aba teuana ma te aba teuana, b'a a na bane m'aane n tautaekana oin aia auti, ao boni ngaiia naba aika a na angaanga te babaaire.

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 3:26

Ao e m'ananga Nebukaneta nako rarikin te ai ao e takaarua ni kaangai, “Tiateraka, Metiaka ao Abeteneko aika Ana toro te Atua ae moan te m'aaka! Otinako.” Ao a otinako naba n te tai arei.

Taniera 4:2

Kam na ongora nakon au rongorongo aika taekan kakai aika a kamimii are E a tia ni karaoi te Atua ae moan te m'aaka nako iu.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.