Etira 5:5 - Te B'aib'ara

⁵ Ma te Atua e bon tararuaia aia taani kairiiri taian Iutaia. Ma ngaia are te koowana ma ana mataniwi, a manga iangoia b'a a nang aki katokiia aomata man karaoan te Tembora ni karokoa a tia moa ni kaongoa Taraiati man ongora ana iango iai.

Etira 5:5 ပူးပေါင်းရင်းမြစ်များ

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Etira 7:28

E a tia te Atua n tuanga te uea, ma ana taan iango, ao ana mataniwi aika a m'aaka b'a a na akoai. E a tia te UEA ae te Atua ni buokai, ao I a tia ni konaa ni kairiia rikaaki taani kairiiri aika Iutaia aika a m'aiti nako Ierutarem.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

I-Biribi 1:28

ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

1.Betero 3:12

B'a E tarataraia akana raoiroi te Uea, ao E ongo aia tataro, ma E ekianako akana karaoa ae buakaka.”