Etira 5:12 - Te B'aib'ara

¹² Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Etira 5:12 ပူးပေါင်းရင်းမြစ်များ

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

2.Rongorongo 36:20

A uotiia nako koraki ake taian nikira ni maiu nako B'aburon b'a aia taenikai, ike a riki b'a ana toro te uea ma natina m'aane, ni karokoa te tai are e rikirake iai Botia b'a te botannaomata ae e korakora.

Taian Areru 106:40

Ma ngaia are E un te UEA irouia ana botannaomata; Ao E ribaia.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 5:29

Kam tangiria ni katuaaeaki, ma ngaia are, N na karaoa te karekekai.

Ieremia 51:59

E m'ananga nako B'aburon Tetekia n ana kaaua n ririki ni uea i aon Iuta. Ao e iri naba tarin B'aruka are Teraia b'a te aobitia ngaia are e tabe ma baairean taian tabo are a na tiku iai ni kangainaa.

Ieremia 52:12

E reke Ierutarem i nanon ana katebwi ma ruaiwa n ririki Nebukaneta ni uea i aon B'aburon. E kaaniia te nam'akaina i mwiina, e roko i Ierutarem ana mataniwi Nebukaneta are e tararuaia taan tei. Arana bon Nebutaratan.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.

Tani Motiki-taeka 2:14

irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.

Tani Motiki-taeka 4:2

Ma ngaia are, E kanakoa uean Kanaan are Iabin are mena i Atora b'a e na kataenikaiia Iteraera. E maeka ana kam'anta Iabin are Titera i Aroteta-A-Koiim.

Tani Motiki-taeka 6:1

Ao a manga waakina naba aia aki ongotaeka Iteraera nakon te UEA, ma ngaia are, E a anga ngaiia nakoia kaain Miiria b'a a na tauaki taekaia irouia i nanon 7 te ririki.