Etira 4:20 - Te B'aib'ara

²⁰ Ao taian uea aika a korakora aika a tia n tautaekana te m'akoro Maeao mai Ierutarem, a tia n rikorikoi taian taekiti n aekakiia nako.

Etira 4:20 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

1.Uea 5:1

A iraorao ngkoa uean Turo ma taman Toromon are Tawita. Ao ngke e a ataia Iram b'a e a uea Toromon, ao e a kanakoia tabeman ana aobitia ni kawara Toromon.

1.Uea 5:4

Ti na karab'arab'a nakon te UEA ae te Atua ngkai b'a e a reke te rau i nanon abanueau, ao akea te kangaanga, ke te karawaawata man taiani buaka aika a na riki man te tabo teuana ma teuana.

1.Rongorongo 18:13

Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia. Ao te UEA, e angan Tawita te tootokanikai n te buaka n taabo nako ike e nako iai.

1.Rongorongo 18:3

Ngke e kataia uean Tob'a are Ataretera n taua taekan te aba are i rarikin te Karaanga are Iuberetiti, ao e kawaria Tawita ni buakanna i Amata ao e kataenikaia.

1.Rongorongo 18:6

Ao i mwiina, e katikuia tabeua ana taanga ni buaka i Tamateko, ao e riki Tawita b'a te tia tautaeka irouia kaain ikekei, ao a kab'ab'akaa te roo n rab'ata nakoina. N taabo nako ike e nako iai Tawita, ao e a bon buubuokaki naba iroun te UEA n anganna te tokanikai n te buaka.

1.Rongorongo 19:19

Ao ngke a nooria uea ake a mena ngkoa i aan Ataretera b'a e a tia Iteraera ni kataenikaiia, ao a raoi ma Tawita ao a kariaia b'a e na riki b'a aia tia tautaeka. A aki manga oki kaain Turia ni buokiia kaain Ammon.

2.Rongorongo 17:11

Ao kaain Biritia, a uoti taian tirewa ao b'aintangira riki tabeua i bukin karekean te raoi. Tabeman kaain Arabia, a uoti itiua te ngaa itibubua taian tiibu m'aane ao taian kooti naba aika ti te bo m'aitiia.

2.Rongorongo 9:14

ao e aki warekia b'a iraua ake a nikiria taani boob'ai ma taani iokinib'ai i rouna. A anganna naba taiani koora ao tirewa taian uea mai Arabia ao taani kairiiri mai Iteraera.

Etira 4:13

Ko bon riai n ataia b'a n te tai are e a tia raoi iai te oo, ao ma ni bane raoi karaoan te kaawa ae e buubura aei, ao ane a nang aki manga kab'aka aia taekiti taian Iutaia, ao e nang keerikaaki m'anen kaub'aim.

Etira 4:16

Ngkana e a manga tei Ierutarem ao n tia raoi oona, ao ane e nang toki am tautaeka n am m'akoro ake i Maeao.

Etira 4:19

ao I raibaai taian rongorongo nikawai. Ao e boni koaua ae e aki toki Ierutarem ni kakaaitaraia mani kariki kaangaanga n ririki nako nakoia uea ao botannaomata.

Etira 4:21

I tangiringkami b'a kam na tuangiia aomata b'a a na katoka manga karaoan te kaawa ane e buubura anne, ni karokoa ae I a tia n anga au taeka.

Etira 7:24

I tangiria b'a kam na ataia b'a akea te ibonga, kanoan Rewi, taani katangitang ma taan anene, taan tararua, taani m'akuri n te Tembora, ao taani m'akuri n te Tembora ake tekorakina aika a na manga kab'akai aekakin taekiti nako.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

Etekiera 19:11

A riki m'aangana ake a korakora b'a kanikinaean te m'aaka, ao e rietaata riki nakon taian aroka ni kabane a bane n nooria aomata nako korakorana ma marurungin neierei.

Mataio 9:9

Ngke E kitana ikekei Iesu, ao e nora te aomata ae arana Mataio, b'a e tekateka n aobitin te taekiti; ao E taku nako ina, “Ko na irirai.” Ao Mataio e tei rake n iria.