Etira 4:15 - Te B'aib'ara

¹⁵ Ngkana ko tarai taian rongorongo aika a eti i bukiia am bakatibu, ao ko na kunea b'a bon Ierutarem ae e aki toki ni kakaaitaraia ma ni kairiia te koraki b'a a na kaaitaraia taiani uea ma m'akoron nako am tautaeka. Ao bon anne bukina are e uruakaki iai ngkoa te kaawa are e buubura arei.

Etira 4:15 ပူးပေါင်းရင်းမြစ်များ

2.Uea 24:20

Bon Tetekia are e a manga kakaitaraa Nebukaneta. A tia kaain Iuta ao Ierutarem ni kauna te UEA. Ma ngaia are, n tokina ao E a tannako mairouia. Ao bon anne bukin rikin baikai ni kabane.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

Etira 4:12

Ko bon riai n ataia b'a a tia n okira Ierutarem taian Iutaia ake a kiitana abam, ao a moana ngkai manga katean te kaawa are e kakamaaku. Ni koauana raoi, e a kaani bane ngkai karaoan taian oo ao onob'aian taian aana.

Etira 4:14

Ti bon kaongoko baikai, i bukina b'a a bon rangi ni m'aiti b'aai aika ko a tia ni karaoi i bukira, ao ti tangiriia aomata ni kabane b'a a na karineko.

Etira 4:16

Ngkana e a manga tei Ierutarem ao n tia raoi oona, ao ane e nang toki am tautaeka n am m'akoro ake i Maeao.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Neemia 6:6

ae e kaangai kanoana: E a buta nako aaningin te rongorongo nakoia botannaomata ae kam a manga karaoa te oo ao kam a kataia ngkai ni iangoa te kamangao, i bukina b'a ko tangiria n riki b'a aia uea. Ao e boni koaua ana taeka Ketem

Etita 2:23

Ao e karaoaki te kakaae, ao e kuneaki b'a ngaia e boni koaua te rongorongo arei. Ma ngaia are, a kaai ni kabaeaki roroaia m'aane aikekei n te kainikabaeroroa. Ao e tua te uea b'a e na koreaki taekan te b'ai ae e riki aei ni bokin te tautaeka.