Etira 3:7 - Te B'aib'ara

⁷ E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Etira 3:7 ပူးပေါင်းရင်းမြစ်များ

2.Tamuera 5:11

E kanakoia ana mataniwi tabeman Uean Turo are Iram nakon Tawita. Ao a airi ma ngaiia taani kaabenta ma taani koroatiibu, ao a uoti kaai aika taian tiira b'a aonga ni konaa ni katea ana bareti Tawita.

1.Uea 5:6

I butiiko b'a a na koroi mani uoti nako iu taian aroka ake tiira am taani m'akuri. N na kabooia ni b'aai akana a bon taku, ao N na anga naba au taani m'akuri b'a buokaia. Ti boni kaai n ataia b'a a bon rangi ni b'aati ni korokai am taani m'akuri nakoia aomata nako.

2.Uea 12:10

Ngkana e on te b'aoki n te m'ane, ao a warekaki m'aitina irouia ana tia koroboki te uea, ao te mataniwi n ibonga, ao a na karinna n taiani buua.

2.Uea 12:13

I nanon tain karaoan te onob'ai ao e aki kamanenaaki te m'ane are a anga aomata nakon te Tembora ni karaoaki iai taiani boora aika tirewa, b'ain tiringan te taura, taiani boora ni katimtim aika a uarereke, taiani bu, ke b'aai nako aika a karaoaki man te koora ke te tirewa i bukin te Tembora.

2.Rongorongo 34:10

Ao a manga anganaki m'aane ake taan kaira karaoan te onob'ai n te Tembora te m'ane arei. A kabonganai tabeua mai iai ni kabooia taani m'akuri,

Etira 3:6

E ngae ngke e tuai waaki te m'akuri i aon te Tembora, ma e boni waakinaki te angakarea i aon ana baonikarea te UEA ni moani bongin te kaitiua n nam'akaina n te ririki arei.

Etekiera 27:17

E anganiko Iuta ma Iteraera aia kabanea n raoiroi n uita, ao kabanean raoiroin aia biiku, ana karewe te manibeeru, b'aan te oriwa, ao kaboiararaan te am'arake b'a boon am b'ai ni kaboob'ai.

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

M'akuri 12:20

E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

M'akuri 9:38

E aki rangi n raroa Iobe ma Rura; ma ngaia are ngke a ongo reirei ake i Iobe b'a e mena Betero i Rura, ao a kanakoia ngkanne uomani mm'aane ma aia rongorongo nakoina, “Taiaoka kawaekoako ni kawariira.”

M'akuri 9:43

E tiku Betero i Iobe i nanoni boong aika bati, iroun Timon temanna, ae te tia karaoi b'aai mani kunin te man.