Etira 3:5 - Te B'aib'ara

⁵ A anga taiani karea i bukin kakukureian te UEA, ake karea ni katoa te Toa ae Moan Otin Nam'akaina ma taiani karea ake nikiran nako ana toa te UEA. A bane taian angab'ai ake a uoti aomata n anganaki te UEA.

Etira 3:5 ပူးပေါင်းရင်းမြစ်များ

2.Rongorongo 31:14

E anganaki Kore are natin Imna tib'angana kaawakinan te Mataroa are Mainiku, ao e mwiokoaki naba i bukin butim'aean taian angab'ai n anganano nakon te Atua ao tib'akiia naba nakoia taian ibonga ao kanoan Rewi.

Etira 3:6

E ngae ngke e tuai waaki te m'akuri i aon te Tembora, ma e boni waakinaki te angakarea i aon ana baonikarea te UEA ni moani bongin te kaitiua n nam'akaina n te ririki arei.

Neemia 10:34

Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Ieremia 33:18

ao a teimatoa n reke ibonga man kanoan Rewi aika a na m'akuri n te baonikarea ao a na anga karea i bukin kakukureiau ao karab'aakiu.

Nakoaia Ibonga 1:2

i bukiia Iteraera b'a a na karaoi nanoia ngkana a anga aia karea. Ngkana iai temanna ane e anga man aika kawakawa b'a ana karea, ao e riai n anga temanna mai buakon ana nanai ni kao, ke ana nanai n tiibu ao ni kooti.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 23:2

b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai.

Warekaia Iteraera 28:14

Kam na anga uoua te riita te wain b'a te karea are te mooi b'a raon te kaomm'aane n tatabemaniia, ao teuana ma te iterana te riita b'a raon te tiibu te teei n tatabemaniia. Aio te kaetieti i bukin te karea ni kabuokaki ni moani bongin te nam'akaina koraki ni katoa ririki.

Warekaia Iteraera 28:19

Kam na uoti nakon te baonikarea uoman taiani kao mm'aane, temanna te tiibu mm'aane ae e ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Ao i mwiina, kam na anga baikai b'a taiani karea ake kakukureiau.

Warekaia Iteraera 28:27

Kam na anga uoman te kaomm'aane aika ataei, temanna te tiibu mm'aane ae a kawai, ao itiman tiibu mm'aane aika teuana aia ririki ni maiu b'a taian karea are kakukureiau.

Warekaia Iteraera 29:13

Kam na motirawa man ami m'akuri ni moanibongina, ao kam na bootaki n taromauri. Uoti tengaun ma teniman kaomm'aane nakon te baonikarea, uoman tiibu mm'aane aika a ikawai, 14 tiibu mm'aane aika teuana aia ririki ni maiu, aika akea toabuakan rab'ataia. Ao kam na anga baikai b'a te karea are kakukureiau.

Warekaia Iteraera 29:2

Kam na uota temanna te kaomm'aane nakon te baonikarea, ao temanna te tiibu mm'aane ae i ikawai, itiman tiibu mm'aane aika kaka teuana aia ririki ni maiu aika akea toabuakan rab'ataia. Ao kam na anga b'a karea ake kakukureiau.

Warekaia Iteraera 29:39

Kam na riai n anga taiani karea aikai nako Iu n taai ake a tia n rineaki, n reitaki ma taiani karea ake taian anganano, ke ake i bukin kakoroan te berita.

Warekaia Iteraera 29:8

ao uoti nakon te baonikarea temanna te kaomm'aane ae te ataei, temanna te tiibu mm'aane ae e ikawai, ao itiman tiibu mm'aane aika kaka teuana aia ririki ni maiu, aika akea toabuakan rab'ataia. Ao kam na anga baikai b'a taiani karea ake kakukureiau.

Te Tua-Kaua 12:17

Kam kona ni kanna n aron kanakin irikon te ria, ke te katere ae konami ngkana kam kaeman,

Te Tua-Kaua 12:6

ma ni kamaekaingkami ma te rau n te aba are E a tia n anganingkami. Ma ngkana kam a tia n tekateka, ao ane e na manga kaokoro te maiu.