Etira 3:13 - Te B'aib'ara

¹³ Ao e a rangi ni karongoaa tangiia ma takaaruaia n te aro are kaanga ai ti teuana b'anaaia, ao e a konaa n ongo te aba man te tabo are e raroa nako.

Etira 3:13 ပူးပေါင်းရင်းမြစ်များ

1.Uea 1:40

Ao a katangi taiani kaib'ab'aa, ao a kukurei ngke a riri mwiin Toromon n okira Ierutarem. E bon rangi ni korakora karongoaaia n te aro are e a ruru aontano.

1.Uea 1:45

Ao ngke a roko ikekei, ao e a karaoaki kaueaan Toromon iroun Tatoka, Natan ao Benaia. Ao a bane ni kukurei aomata i aon kawaia n okira Ierutarem. Bon anne bukin te karongoa are kam ongo are e nako man te kaawa.

Etira 3:12

Ao a tang n takaarua ibonga ake a kara, ao kanoan Rewi, ao atuun taian utu nako i bukina ngke a uringa taraan ngkoa te moan Tembora n ririki ake ngkoa. Ma a rangi ni kukurei tekorakina n te aro are a bukamarua te bootaki ma b'anaaia aika a bane takaaruaia.

Etira 4:1

A ongo aia kairiribai kaain utuun Iuta ao Beniamin te rongorongo ae a oki aomata b'a a na manga katea ana Tembora te UEA ae Atuaia Iteraera.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Taian Areru 5:11

Akana a biri nakoim i bukin katanaia; ke a anene ni kim'areirei n taai nako. Kataniia akana a tangiriko raoi ni koaua; ao kakim'areireia.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Tani Motiki-taeka 2:5

ao a anga aia karea nakon te UEA. Ao mai mwiin te tai anne ao a arana te tabo anne b'a “Tanginiwenei.”

1.Tamuera 4:5

ni uota te Atiniberita nakon te maeka, ao a takaarua ni kukurei tautia n te b'anaa ae moan te korakora n te aro are e m'aingiing te tano