Etira 3:11 - Te B'aib'ara

¹¹ A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Etira 3:11 ပူးပေါင်းရင်းမြစ်များ

1.Rongorongo 16:34

Neboa te UEA b'a e raoiroi nakoira, ao e aki konaa ni matebuaka ana tangira.

1.Rongorongo 16:41

Ao taani buokiia bon Eman ao Ierutun, n reitaki naba ma m'aane ake te koraki ake a tia n rineaki b'a a na neboa te UEA i bukin ana tangira ae akea tokina.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Neemia 12:40

bon raora naba iteraia taani kairiiri n te m'akoro are I mena iai, ao ti tei i matan te tembora ma taiani m'akoro ake tabeua n neboa te Atua.

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 106:1

Kam na kamoamoa te UEA! Katituaraoa te UEA, b'a E raoiroi: akea tokin ana atataiaomata.

Taian Areru 107:1

Kam na katituaraoa te UEA, b'a E raoiroi; Akea tokin ana ataataiaomata.

Taian Areru 118:1

Kam na katituaraoa te UEA, b'a E raoiroi, ao akea tokin ana tangira.

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Taian Areru 135:3

Kam na neboa te UEA, b'a E raoiroi; anene n neboa arana, b'a E akoi.

Taian Areru 47:1

Uboubo ni kukurei, ngkami aika botannaomata! Takaakaa ni kamoamoa te Atua.

Taian Areru 47:5

E rierake te Atua nakon ana kaintokanuea, A takaakaa ni kukurei aomata ao a katangaki bu ngke E rierake te UEA.

Te Otinako 15:21

Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Akai 2:3

Iai iroumi ae e uringa mimitongin te Tembora ngkoa aei? Ngkai e taraa n akea bongana.

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Ruka 1:50

E nanoangaia aomata ake a karinea man te rorona nakon te rorona.

Iotua 6:10

Ma e a tia n tuangiia ana aomata Iotua b'a akea temanna ae e na takaarua b'a a na ti tataninga are i rouia.

Iotua 6:16

Ngke a nang katanga aia buu ibonga n aia kaitiua n tai ni katobibi, ao e a anga ana taeka Iotua nakoia aomata b'a a na takaarua, ao e taku, “E anganingkami ngkai te kaawa aei te UEA!

Iotua 6:5

N tokin te kaitiua ni katobibi ao a na katanga te buu ni kamaana tangina. Ao n te tai naba are kam ongo iai anne, ao kam na bane n takaarua ni kanenei b'anaami, ao e na rina ni b'aka oon te kaawa. Ao kam na bane n rin ni kaineta nanon te kaawa.”