Etira 2:68 - Te B'aib'ara

⁶⁸ Ao ngke a roko aomata n te tabo are e tei iai ngkoa ana Tembora te UEA i Ierutarem, ao tabeman mataniwiia utu a anga aia b'ai n tangira b'a e aonga ni konaa ni manga kateaki n te tabo are e bon tei iai ngkoa.

Etira 2:68 ပူးပေါင်းရင်းမြစ်များ

1.Rongorongo 21:18

Ao e tuanga te burabeti are Kata ana anera te UEA b'a e na tuanga Tawita b'a e na kabooa ana tabo ni kaaki kun ni uita Arauna ma ni katea te baonikarea iai b'a karinean te UEA.

1.Rongorongo 22:1

E taku Tawita, “E na karaoaki ana Tembora te UEA ikai n te tabo ni kaaki kun ni uita aei. Ao e na mena naba ikai te baonikarea i bukin taiani karea.”

2.Rongorongo 3:1

A moana karaoan te Tembora are i Ierutarem ana taani m'akuri Toromon ni kauabongin te kauoua n nam'akaina, aua te ririki i m'aain rikin Toromon b'a te uea i aon Iteraera.

Etira 2:67

abubua teningaun ma niiman taiani kamero, ao onoua tengaa itibubua uangaun taian aati.

Etira 2:69

A anga b'aai ni kabane n aron ae a konaa, ao e a roko n te boota ae m'aitina nimabubua te kirokuraem te koora, uoua tengaa wanibubua itibwi te kirokuraem te tirewa, ao tebubua niiniiraia ni ibonga.

Etira 3:3

Ao a karaoa te baonikarea n te tabo are e bon tei iai mai m'aaina, e ngae ngke a maakuia aomata ake a kaman maeka ikekei i rarikiia. Ao i mwiina, a katoa ingabong ao tairiki ni kabuoki taiani karea ma angab'ai nakon te UEA.

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Te Otinako 25:2

Tuangiia Iteraera ni kabane b'a akana tangiria n anga aia b'aintangira a riai n uoti nako im.

Te Otinako 35:21

Ao i mwiin arei, a roko koraki ake a tangiria n anga aia b'aintangira nakon te UEA, ao a uoti b'a a na kamanenaaki i bukin te Um'antabunrianna, taian taromauri, ao kunnikaia ibonga.

Te Otinako 35:29

Ao e a tia Moote n tuangiia aomata te b'ai are E tangiriia te UEA b'a a na karaoia, ao angiia mai buakoia a baaireia b'a a na uoti aia b'aintangira.

Te Otinako 36:3

ao e anganiia te m'ane ake a tia n anga aomata i bukin karaoan te tabo n taromauri. Ni koauana, a bon tia n anga aomata te m'aiti ni m'ane ae e rangi ni m'aiti ni katoa ingabong,

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:3

I kakoaua aroia b'a a anga n ai aron aia kona, ao a karakai riki, i bukin nanoia ni kan anga;

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.