Etira 2:63 - Te B'aib'ara

⁶³ Ni koauana, ao a tuangaki iroun te koowana ni kaangai, Kam aki konaa ni kang taian am'arake ake taian angab'ai nakon te Atua ni karokoa kam boni kakoaua raoi b'a bon taian ibonga ngkami.

Etira 2:63 ပူးပေါင်းရင်းမြစ်များ

Etira 2:64

Bootan m'aitiia ake a oki bon abwi ma uoua tengaa tenibubua onongaun,

Neemia 10:1

Ngkai te koowana ngai, ao ngai ae n na karaoa te boraraoi ma Tetekia ao ibonga aikai:

Neemia 10:2

Teraia, Ataria, Ieremia,

Neemia 7:65

Ni koauana, ao e taku te kowana nakoia, “Kam aki konaa ni kang taian am'arake ake a anga aomata nakon te Atua ni karokoa kam konaa n tuangiira b'a bon tenaan ibonga raoi ngkami.”

Neemia 8:9

Ao a tang aomata ngke e a warekaki ana Tua te Atua nakoia. Ao i mwiina, e taku Neemia are te koowana, Etira are te ibonga ao te tia reirei, ao kanoan Rewi ake a tia n reireiniia aomata, “Bon aio te bong ae e kaokoro i bukin ami UEA ae Atuami. Ma ngaia ae kam na aki nanokawaki ao kam na aki tang!”

Te Otinako 28:30

E na riai naba ni b'ain b'ai ake uoua ake a uarereke i aon ana ub'a ake e kamanenai i bukin karekean te kaeka mairoun te Atua.

Nakoaia Ibonga 2:10

Aia b'a ibonga nikiran te karea; e bon rangi n tabu te am'arake anne i bukina ngke a anaaki man taian am'arake ake taian karea nakon te UEA.

Nakoaia Ibonga 2:3

Ao a na b'aina nikiran te karea ibonga. A rangi n tabu am'arake aikai i bukina ngke a anaaki man am'arake ake taian karea nakon te UEA.

Nakoaia Ibonga 22:10

Bon ti ngkami ibonga ma ami utu aika kam na kang karea aika am'arake; a bon rangi n tabu n te aro are a bon aki riai b'a a na kanaki irouia ami taani m'akuri.

Nakoaia Ibonga 22:13

Ma ngkana e okira mwengami neienne b'a e a tia ni mate buuna, ke tao e a raure mai rouna, ao ngkanne e kona ni ira buakon te am'arake, ti ngkana akea natina. Ti kaain te utu ni ibonga aika a kona ni kana te am'arake aei.

Nakoaia Ibonga 6:17

E a tia n anga te UEA nakoia ibonga b'a tib'aia man te am'arake are te karea. E bon rangi n tabu n ai aron taian karea ni kab'arabure, ao taian karea ni kabomwi.

Nakoaia Ibonga 6:29

A tii konaa ni kana te karea aei m'aane ake a nako man te utu ni ibonga; b'a e bon rangi n tabu.

Nakoaia Ibonga 7:16

Ngkana arona b'a e roko te aomata ma te karea n raoi b'a kakoroan nanon ana taeka ni bau, ke bon oin ana karea n anganano, a na aki kanaki ni kabane n te bong are e karaoaki iai te angakarea, ma ngkana iai nikirana a na manga kanaki nakon te bong are i mwiina.

Nakoaia Ibonga 8:8

Ao e katokaa te ub'a i aona ao e karin taian urim ma tummim i nanona.

Warekaia Iteraera 18:19

Ni moa man te tai aei, ao kam a b'aini taian angab'ai aika tabu ake a anga Iteraera nako Iu b'a ami b'ai ma natimi mm'aane, ao natimi aine. Bon aei Au berita nako imi ma kanoami, ao e na bon aki manga bitaki.

Warekaia Iteraera 18:32

Kam na bon aki katuaaeaki ngkana kam kanna, ti ngkana kam a tia n anga nako Iu m'akorona ake a rangi n raoiroi. A na teimatoa n tabu taiani b'aintangira ma karea ake a uoti aomata nako imi, ao ngkana kam kang tabeua mai iai i m'aain ae kam anga nako Iu, ao kam na bon tiringaki.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Te Tua-Kaua 33:8

E kataingkami te UEA n taian koburakenran ake Mata ao Merib'a, te baronga are Rewi. Kam kakaonimaki, ao bon anne bukina ae e anganaki iai kanoan Rewi te m'akuri n ibonga.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.