Etira 10:6 - Te B'aib'ara

⁶ Ao i mwiina, e Etira kiitana ana Tembora te Atua ao e nako n ana ru Ieoanan are natin Eriatiba te m'aane n tiku iai ni kangainaa. E rangi n raraoma i bukin te b'ai ae a tia ni karaoia aomata, ao e aki kana ma n nima te b'ai teuana.

Etira 10:6 ပူးပေါင်းရင်းမြစ်များ

Etira 10:1

Ao ngke e mena Etira i aon bubuaniwaena i matan ana Tembora te Atua, n tataro ma ranni matana i matana, ao e kab'arabure i bukiia Iteraera, ao a ikotaki i rarikina m'aane, aine, ao ataei aika a rangi ni m'aiti ma n tang ni korakai.

Etira 10:7

Ao mataniwi ma taani kairiiri a kanakoa te rongorongo nakoia te koraki ni kabane ake a oki mai B'aburon ake a maeka ngkai i Ierutarem ao i Iuta. A tuangaki b'a a na kanenei nako Ierutarem i nanon tenua te bong, b'a a kaawa ni bua aia b'ai ni kabane man aki atongaki b'a raoiia te koraki ake a tia n oki mai B'aburon.

Etira 9:4

ni karokoa e a roko tain te angakarea are n te tairiki. A m'aiti ara aomata ake a tabeaianga ao a ikotaki ni katobibiai, i bukina ngke e a tia Atuan Iteraera n tuangiira b'a ti na kararoaira mairouia Ianena.

Neemia 12:10

Iotua bon taman Ioiakim, ao tibun Eriatiba te unim'aane, ao tibutorun Ioiata te unim'aane.

Neemia 12:22

I nanon aia tai ibonga aika a rietaata aika Eriatiba, Ioiata, Ioanan, ao Iarua, ao i nanon naba ana tai ni uea Taraiati i aon Botia, ao a kaawakinaki araia koraki ake a riki b'a atuun kanoan Rewi ao utuia taiani ibonga.

Neemia 13:28

Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Neemia 13:5

Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Neemia 3:1

Aikai aomata ake a buoka manga katean oon ao Mataroan nako Ierutarem: Te ibonga ae e rietaata are Eriatiba ao ibonga ake tekorakina a manga katea te Mataroa are Tiibu ao a katinetinei mataroana. Ao i mwiina, a katabua te Mataroa are Tiibu ao m'akoron te oo ni karokoa te Taua are Tebubua ao te Taua are Ananera.

Neemia 3:20

Ao Baruka are natin Tabai te m'aane, e rangi ni ingainga ni kan manga karaoa m'akoron te oo are e nakon ana auti Eriatiba are te ibonga are e rietaata;

Iobi 23:12

I karaoi Ana mwioko ni kabane ake E tuangai b'a N na karaoi.

Taian Areru 102:4

I rangi ni mamara kanga ai aron te uteute ae rai; E bua te kan am'arake.

Te Otinako 34:28

E tiku Moote ma te UEA i aon te maunga i nanon abwi te ngaina ao abwi te tairiki, n aki am'aam'arake ke ni mooi. Ao e koroi Tuua ake tebwiina, ake m'akoron te boraraoi aika a rangi ni kakaawaki i marenan te Atua ma ana aomata.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.