Etira 1:7 - Te B'aib'ara

⁷ Ao Tairati are te uea e a kaoki taian b'ai ake e anai ngkoa Nebukaneta man te Tembora i Ierutarem ake e katikui ngkoa i nanon aia tembora antina.

Etira 1:7 ပူးပေါင်းရင်းမြစ်များ

2.Uea 24:13

E a tia te UEA ni kauringnga b'a n te tai teuana, ao e na roko anaakin taiani kaub'ai man ana bareti te uea ao man te Tembora, ni ikotaki ma taiani koora ake e karaoi Toromon i bukin te Tembora. Ao anne te b'ai are e tuangiia ana tautia Nebukaneta b'a a na karaoia.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

2.Rongorongo 36:7

E uoti nako naba taian b'ai aika a kakaawaki Nebukaneta man ana Tembora te UEA, ao e kaaki n ana bareti i B'aburon.

Etira 5:14

E anai b'aai aika a koora ao a tirewa, ao e kaaki i nanon ana Tembora antina i B'aburon.

Etira 6:5

Ao manga kaoki nakon nneia taian koora ma tirewa ake e anai ngkoa Nebukaneta man te Tembora nako B'aburon.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.