Etira 1:3 - Te B'aib'ara

³ E na boni kaawakiniia ana Aomata ma ni kakorakoraia ake a tangiria n okira Ierutarem ni buoka manga karaoan te Tembora.

Etira 1:3 ပူးပေါင်းရင်းမြစ်များ

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Etira 1:4

A na riai aomata nako ni katauraoi b'aai ni kabane aika a na kainanoaki. A na riai n anga te m'aane, b'aai, ao taiani man, ao ai uana naba ma taiani b'aintangira i bukin manga katean ana Tembora te Atua.

Etira 4:3

Ma a taku Terub'abera, Iotua ao taani kairiiri man taian utu, “Kam aki kona n ira karaoan ana Tembora te UEA ae Atuara. Ti na boni karaoia i bon iroura, n aron are e a tia ni mwiokoira iai Tairati are uean Botia.”

Etira 5:13

E ngae n anne, ma n ana moan ririki ni uea Tairati are uean B'aburon, ao e kanako taeka b'a e na manga kateaki te Tembora n te tabo are e tei naba iai mai m'aina.

Etira 5:3

A ikotaki te koowana are Tatenai mani m'akoron te tautaeka Maeao, ao ana tia buobuoki are Teeta Botenai ao aia mataniwi. Ao i mwiina, a nako Ierutarem ao a taku nakoia aomata, “Antai ae e tuangingkami b'a kam na manga karaoa te Tembora aei?”

Etira 6:7

Kariaia aia koowana Iutaia ma aia taani kairiiri b'a a na manga katea te Tembora n te tabo are e bon tei iai mai m'aaina. Ao tai manga katokitokiia.

Taian Areru 132:13

E a tia te UEA n rinea Tion; E tangiria b'a e na riki b'a mwengana:

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Itaia 37:16

Te UEA ae Atuaia Iteraera ae Moan te M'aaka, e mena am kaintokanuea i aon baika a maiu aika iai baiia ni kiba. Ko karaoa karawa ma aonnaba, ao bon ti Ngkoe n tautaekan taian abanuea n te aonnaba.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”