Etira 1:2 - Te B'aib'ara

² Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Etira 1:2 ပူးပေါင်းရင်းမြစ်များ

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

2.Rongorongo 2:12

Kamoamoa te UEA ae Atuan Iteraera are E karaoa karawa ma aonnaba! E a tia n angan Tawita natina te m'aane ae e aki ti rabakau ma ni m'aatai, ma iai naba rabakauna ni karaoa te Tembora i bukin te UEA ao ni karaoa naba te bareti bon i bukina.

Etira 1:5

A bane n namakinna aomata b'a e tangiriia te UEA ae te Atua b'a a na buoka manga karaoan ana Tembora, ao a bane ni iangoia b'a a na nako Ierutarem. Mai i buakoia ake a tangiria n oki ni buoka manga katean te Tembora, ao ni manga katea Ierutarem bon taian ibonga, kanoan Rewi, ao taani kairiiri man te baronga are Iuta ao Beniamin.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Etira 4:3

Ma a taku Terub'abera, Iotua ao taani kairiiri man taian utu, “Kam aki kona n ira karaoan ana Tembora te UEA ae Atuara. Ti na boni karaoia i bon iroura, n aron are e a tia ni mwiokoira iai Tairati are uean Botia.”

Etira 5:15

A taku naba b'a i nanon ana moan ririki ni uea Tairati i aon B'aburon, ao e anga ana taeka b'a e na manga kateaki ana Tembora te Atua i Ierutarem ni bon te tabo naba are e tei iai mai m'aaina. Ma ngaia are Tairati, e rinea Tetibata b'a te koowana i Iuta, ao e kanakoi b'aai ake a karaoaki man te koora ao te tirewa nakoina b'a e na karin n te Tembora.

Etira 6:10

I tangiriia b'a a na konaa n anga aia karea ni kakukurei nakon te Atua ma n tataro naba ibuku ma au utu.

Etira 6:3

b'a n ana moan ririki ni uea Tairati, ao e anga ana taeka b'a e na manga kateaki ana Tembora te UEA i Ierutarem, b'a a aonga n nikiraki taian angab'ai ma taiani karea iai. E na kateaki nakon uabwi ma itiua te miita rietana ao uabwi ma itiua te miita rababana,

Etira 7:12

Te Kamauri mairoun te uea ae Atatokititi nakon Etira are te ibonga, ao te aomata ae e atatai n ana reirei te Atua are i karawa.

Neemia 1:4

Ao ngke I ongo arei, ao I tekateka ao I tang. Ao I tang i nanon tabeua te bong, ao I aki am'arake ni kaotia ae I rangi n nanokawaki, ao I tataro:

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 136:26

Kam na katituaraoa Atuani karawa; b'a akea tokin ana Tangira.

Taian Areru 85:2

Ko a tia ni kab'ara aia bure ma aia kaairua am Botannaomata.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:1

Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Taniera 1:21

E teimatoa n tiku i nanon te baareti Taniera ni karokoa teiraken Tairati are uean Bootia n taua B'aburon.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 2:28

ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 6:25

Ao e koroboki te uea are Taraiati nakoia botannaomata nako, reeti, ao taetae nako n te aonnaba ni kaangai: “Kam na mauri!

Iona 1:9

Ao e kaeka Iona, “te Ebera ngai, ao I taromauria te UEA ae Atuan karawa, ae E karaoa aonnaba ma marawa.”