Etekiera 9:8 - Te B'aib'ara

⁸ Ao I tiku n ti ngai, ma ngaia are, I boobaraaki ao I tang nakon te UEA ni kaangai, “E aera ngkai Ko karaoa aei? E a bon rangi ni maraki nanom irouia kaain Ierutarem n te aro are a nang bane n tiringaki?”

Etekiera 9:8 ပူးပေါင်းရင်းမြစ်များ

Karikani B'aai 18:23

Ao Aberaam, e kawara te UEA ao e titirakinna ni kaangai, “E koaua b'a Ko nang bon kamaunaia aika raoiroi ma aika taani bure?

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Etira 9:5

Inanon tain te angakarea n te tairiki anne, ao I bon tekateka naba n nanokawaki ma kunnikaiu ake a raeuaaki. Ma ngaia are, I a katorobubua ao I tabeki baiu,

Ieremia 14:13

Ao I kaeka ni kaangai, “A teimatoa burabeti ake tekorakina n tuangiia aomata b'a ko na bon aki karokoa te baki ke te buaka, ma Ko na anganiira te raoi.”

Ieremia 14:19

Te UEA, Ko a katinanikua Iuta? Ko a ribaa Ierutarem? E aera ngkai ko orea rikaaki Iuta: n te ikoaki ae moan te korakora? Ti a kaman kakantaningaa te rau ao te tai ni kamaiu, ma bon akea te b'ai ae ti karekea b'a ti te b'ai ae e kakamaaku.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Etekiera 11:13

I m'aain banen au taeka, ao a b'aka ni mate Beratia. I bobaraaki n takaarua n tang ni kaangai, “Taiaoka te UEA ae te Atua, ko na aki tiringiia aika taian nikira i Iteraera.”

Etekiera 4:14

Ao I taku, “Te Atua, taiaoka Ko na aki kariaia b'a N na karaoa anne! I bon tuai man kang am'arake aika N na riki iai n aki tau i matam. I tuai man kang b'aai aika a mate i bon irouia ke n tiringaki irouia maan aika a aki manana ke aika ko taku b'a a aki itiaki.”

Etekiera 7:8

N na aki taotaona nanou ma ni katuaaeingkami i bukin m'akuri aika buakaka aika kam a tia ni karaoi. Kam na anganaki ae e bon riai n reke nakoimi.

Warekaia Iteraera 14:5

Ao e bobaraaki Moote n tataro i mataia aomata.

Warekaia Iteraera 16:4

Ao ngke e ongo taeka aikai Moote, ao e katorobubua n tataro.

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.