Etekiera 9:6 - Te B'aib'ara

⁶ Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Etekiera 9:6 ပူးပေါင်းရင်းမြစ်များ

Karikani B'aai 4:15

Ma E kaeka te Atua ao E taku, “Tiaki ngaia anne. Ngkana iai ae e tiringko, ao a na manga mate itiman mai buakoia ana utu.” Ma ngaia are, E kanikinaea Kain, ao E tuangiia aomata b'a akea ae na tiringnga ngkana a kaitibo ma ngaia.

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 25:29

Ni moa man oin Au kaawa ae Ierutarem, a na bane aomata nako ni karawawataaki n te buaka. Ma ngaia are, bon akea te kawai ae kam na konaa iai biri nako man te kabuanib'ai.”

Ieremia 44:7

Ao e aera ngkai kam kamatoa naba ni manga uaa koron te kaanganga riki teuana? Te kabuanib'ai are e na aki ti uruaningkami, ma e na uruani naba natimi ao ami ataei aika a uarereke.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Etekiera 11:1

E tabekai rake Tamnein te UEA ao e uotai nako mataroan te Tembora, ike I a noora iai uangaun ma niiman m'aane, n reitaki ma taan kairiiri ake uoman ake Iaatania are natin Atura te m'aane ao Beratia are natin Benaia te m'aane.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Etekiera 9:5

Ao I ongo b'anaan te Atua ngke e rairaki nakoia m'aane ake niiman ni kaangai, “Iria, ao tiringiia aomata ni kabane n akea temanna ae kam na nanoangaia.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Ruka 12:47

Ao te toro ae e ata nanon ana mataniwi, ma akea ana kekeiaki nakoni karaoana, e na oreaki ni karawataaki.

Te Tua-Kaua 2:34

Ao i mwiina, ti taui ma ni kamaunai kaawa ni kabane ake n abanuean Taion, ma n tiringiia aomata ni kabane,

Te Tua-Kaua 3:6

Ti kamaunai kaawa aikai ni kabane n akea nikiraia, ao ti tiringiia ni kabane m'aane ma aine, ao ataei n aron are ti karaoi naba nakon kaawa ake ana kaawa te uea,

Te Tua-Kaua 32:23

N na karokoi taian kabuanib'ai aika bati aika a na ewari ngkami n aron te kainikatebe.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Te Kaotioti 7:3

Ao e kaangai, “Kam na tai b'ainikirina aonnaba ma karawa, ma kaai, ni karokoa ae ti kanikinaeia moa ana toro Atuara i aon ram'aia.”

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”