Etekiera 9:4 - Te B'aib'ara

⁴ “Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Etekiera 9:4 ပူးပေါင်းရင်းမြစ်များ

Karikani B'aai 4:15

Ma E kaeka te Atua ao E taku, “Tiaki ngaia anne. Ngkana iai ae e tiringko, ao a na manga mate itiman mai buakoia ana utu.” Ma ngaia are, E kanikinaea Kain, ao E tuangiia aomata b'a akea ae na tiringnga ngkana a kaitibo ma ngaia.

2.Uea 22:13

E a bon rangi n un te UEA irou ao kaain Iuta ni kabane, b'a a tia ara bakatibu n aki iri nanon taian tua aika a koreaki i nanon te boki aei. Naako kakaea te b'ai ae E tangiria te UEA b'a ti na karaoia.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 119:53

I rangi n un irouia aomata aika buakaka aika urua am Tua.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 12:7

A na riai aomata nako n uota teuana te raraa ma ni kaaki i aon bouan mataroan aia auti are a na kana iai te man.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Etekiera 21:6

Etekiera, ko na ngirangira n nanokawaki ao ni korakai n te aro are a na ongo aomata tangitangim.

Etekiera 6:11

Ao E a manga taku te UEA: Etekiera, kaaioroi am timoi ao kabukibuki waem i bukin korakain nanom! Ko na tang n nanokawaki, i bukina ngkai a tia Iteraera ni karaoi m'akuri aika a rangi n ribaaki ao ngkai a nang tiringaki irouia te taanga ni buaka, ke ni mate man te baki ao te aoraki.

Etekiera 9:5

Ao I ongo b'anaan te Atua ngke e rairaki nakoia m'aane ake niiman ni kaangai, “Iria, ao tiringiia aomata ni kabane n akea temanna ae kam na nanoangaia.

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Teb'ania 3:18

n ai aroia aika onrake nanoia n te kukurei.” E taku te UEA, “I a tia ni uotaanako rekenikaim ao n taekaanako rawawatam.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 6:17

Kabanean au taeka: Akea ae na kariki baika N na aki rau iai; b'a I uoti mwin kain te UEA are Iesu n rab'atau.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.