Etekiera 9:3 - Te B'aib'ara

³ Ao e kiitana nnena mimitongin te Atua are aon taian bouannanti ake maan ake iai baiia i nanon te Tembora ao e nako nakon te mataroa n rin. Ao e taku te UEA nakon te m'aane are e kunnikaia n te niiniira te rinen,

Etekiera 9:3 ပူးပေါင်းရင်းမြစ်များ

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Etekiera 3:23

Ao I m'ananga nakon te m'arua n te tai naba arei, ike I a noora raneanean mimitongin te UEA, n aron are I nooria naba ngkoa i rarikin te Karaanga are Keeb'ara, ao I bobaraaki ni kaboo matau ma aontano.

Etekiera 8:4

Ao i mwiina, I noora raneanean mimitongin Atuaia Iteraera, n aron are I a tia n nooria i rarikin te Karaanga are Keeb'ara.

Etekiera 9:2

I nooria onoman m'aane aika a roko n rin man mataroan te Tembora are mai meang, a taui b'ai ni buaka aika a rangi ni kamaamate n te tatabemaniia nako. E raoniia te kaitiman ae e kunnikainna n te niiniira te riinen, ao e uoti b'aai aika e na koroboki i aona. A rin m'aane akekei i nanon te Tembora ao a tei i rarikin te baonikarea.