Etekiera 9:2 - Te B'aib'ara

² I nooria onoman m'aane aika a roko n rin man mataroan te Tembora are mai meang, a taui b'ai ni buaka aika a rangi ni kamaamate n te tatabemaniia nako. E raoniia te kaitiman ae e kunnikainna n te niiniira te riinen, ao e uoti b'aai aika e na koroboki i aona. A rin m'aane akekei i nanon te Tembora ao a tei i rarikin te baonikarea.

Etekiera 9:2 ပူးပေါင်းရင်းမြစ်များ

2.Uea 15:35

Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Rongorongo 27:3

E karaoa te Mataroa are Ieta Iotam n te Tembora ao e karaoi m'akuri aika a bati n onob'aia te oo are i rarikin te Maunga are Obera.

2.Rongorongo 4:1

Ao Toromon e tua karaoan te baonikarea ae te buraati ae 9 te miita rababana ma ab'akina ae 4 ma te iterana rietaatana.

Te Otinako 40:29

ao e kaki te baonikarea i bukin kabuokan karea ni kabuokaki, ao te karea are te uita, n aron are E a tia ni baaireia te UEA.

Ieremia 1:15

Ko na mataku ngkana I weteia uea mai meang. Ane a na buaka ma n taua Ierutarem ao kaawa tabeua, ao i mwiina, a katei aia kaintokanuea ni mataroan nako Ierutarem.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:10

Ao a ongo ana aobitia te uea te b'ai are e riki, ao a m'ananga man te bareti nakon mataroan te Tembora b'a a na riki b'a taani motikitaeka n te kateitei n te bowi.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Etekiera 10:2

E taku te UEA nakon te m'aane are e kunnikainna n te niiniira te riinen, “Nakonako i nanon taian wiira akana i rarikin maan akana iai baiia ni kiba ao anai taiani kooro aika a kabuebue n aron ane ko konaa n uotia. Ao i mwiina, ko na kamaaea i aon te kaawa are Ierutarem.” Ao I mataku ngke e karaoa nanon ana taeka te UEA.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Etekiera 9:11

Ao e rairaki te m'aane are e kunnikainna n te niiniira te riinen ao e taku, “I a tia ni karaoa te b'ai are Ko mwiokoai iai.”

Etekiera 9:3

Ao e kiitana nnena mimitongin te Atua are aon taian bouannanti ake maan ake iai baiia i nanon te Tembora ao e nako nakon te mataroa n rin. Ao e taku te UEA nakon te m'aane are e kunnikaia n te niiniira te rinen,

Taniera 10:5

Ao I tararake ao I noora te aomata ae e kunnikaia n te riinen, ao roona ae te koora ae e tamaroa.

Taniera 12:6

Ao e taetae are temanna nakon raona are temanna are e tei maikekei riki nakon tabo are e raanga mai iai te karaanga ao e kaangai, “A na toki n ningai rikin b'aai aika a kamimii aikai?”

Nakoaia Ibonga 16:4

Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Te Kaotioti 15:6

ao a oti nako man te Tembora anera aika itiman, ake iai i rouia b'aai ni kamamate ake itiua, ao a kunnikaiaki n te kunnikai ae itiaki ae raneanea, ao a kabaeaki b'ab'aaia ni kabae aika koora.