Etekiera 8:5 - Te B'aib'ara

⁵ E taku te Atua nako iu, “Etekiera, ae natin te aomata, taraa meaang.” Ngke I taraia, ao I noora te bouannanti ae e rangi n ribaaki i rarikin te baonikarea i rarikin te mataroa.

Etekiera 8:5 ပူးပေါင်းရင်းမြစ်များ

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 32:34

A a tia ni katei taian bouananti i nanon au Tembora, ao ngkai e a aki tau i bukin taromauriau.

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.