Etekiera 7:8 - Te B'aib'ara

⁸ N na aki taotaona nanou ma ni katuaaeingkami i bukin m'akuri aika buakaka aika kam a tia ni karaoi. Kam na anganaki ae e bon riai n reke nakoimi.

Etekiera 7:8 ပူးပေါင်းရင်းမြစ်များ

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

Taian Areru 79:6

Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Ieremia 36:31

Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 2:4

E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 11:21

Ma a na katuaaeaki koraki akana a taromauri taiani bouannanti ao a na karekea te b'ai are a bon uaa korona. Bon aei Au taeka Ngai ae te UEA.

Etekiera 14:19

Ao ngkana I a rangi ni un ao I a kanakoa te aoraki ae e kamaamate b'a e na kamaunaia aomata aika a buubure ma aia nanai ni man.

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:21

Ma a bon kamangao naba naati nako iu. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. E a rangi ni maraki nanou ao I a baaireia b'a N na katuaaia i nanon te rereua.

Etekiera 20:33

Ngkai I bon maiu Ngai ae te UEA ae te Atua, ao N na bon tautaekaningkami ni baiu ae e korakora. Kam na namakina korakoran uniu

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 30:15

E na namakina korakoran uniu te kaawa are Berutiam, ao a na bane n tiringaki tautia ake a mena i Tebeti.

Etekiera 33:20

Ma a bon teimatoa naba n taku Iteraera b'a e aki eti ae I karaoia. Ma ngaia ae ko na kauringiia b'a a na bon katuaaeaki i bukin te b'ai ae a tia ni karaoia.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Etekiera 7:27

Ao a na bon bua naba aia kaantaninga ami uea ma ami mataniwi nako ao a tang ni korakai. Ane a na ruru baimi i bukin korakoran te maaku. N na katuaaingkami i bukin ami bure ao N na bon karaoa naba nakoimi aron are I a tia ni karaoia nakoia tabem'aang. Ao ane kam na ataia iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Etekiera 9:8

Ao I tiku n ti ngai, ma ngaia are, I boobaraaki ao I tang nakon te UEA ni kaangai, “E aera ngkai Ko karaoa aei? E a bon rangi ni maraki nanom irouia kaain Ierutarem n te aro are a nang bane n tiringaki?”

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 12:3

I m'ain bungiakin Iakob'a, E a kaman kam'anea tarina, ao ngke e tabe n rikirake, e manga un ma te Atua.

Otea 5:10

Ti te bo ngkami aika taani kairiiri i Iuta ma aomata aika buure ma buakaka aika a kam'aing tian aaba; ao bon anne bukina ngkai N na kaiekaiia n unu.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.