Etekiera 7:7 - Te B'aib'ara

⁷ E a roko ami bong ngkami aika Iteraera! E na roko te kanakonano i aon taubukin taiani maunga n onea mwiin taian bootaki ni kukurei.

Etekiera 7:7 ပူးပေါင်းရင်းမြစ်များ

Karikani B'aai 19:15

Ao a kataia ni kawaekoa Roota taian anera ngke e a karangaina, ao a taku, “Kawaekoako. Kaira buum ma natim aine ao otinako, b'a e kaawa ni bua maium ngkana e kamaunaaki te kaawa ae buubura aei.”

Karikani B'aai 19:24

Ao e a kab'aka naba te karau te ai ao te atiibu te UEA mai karawa i aon Tootom ma Komora

Itaia 13:22

A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!

Itaia 16:10

ke taiani kim'areirei ao taai ni kukurei, ngkana e tabe ni uotakimai uaan te tawaana. A tia n nako taian anene ao taian takaarua man te nne n aroka ni kureebe. A na akea manga taiani takaakaa ni kukurei ngkana a kamantaki taiani kureebe. E a tia ni katoki b'anaa ni kabane te Atua.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Etekiera 12:28

Ma ngaia ae, ko na tuangiia b'a a na koro bukin au taeka ni kabane, n aron are I a tia ni kauringiia iai. Bon aei Au taeka Ngai ae te UEA.

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?