Etekiera 7:4 - Te B'aib'ara

⁴ n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:4 ပူးပေါင်းရင်းမြစ်များ

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Etekiera 11:21

Ma a na katuaaeaki koraki akana a taromauri taiani bouannanti ao a na karekea te b'ai are a bon uaa korona. Bon aei Au taeka Ngai ae te UEA.

Etekiera 12:20

A na bane ni wene n uruaki kawa nako ao e na riki te aba b'a te rereua ae akea kain aona. Ao i mwiina, a na ataia iai b'a bon te UEA Ngai.

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Etekiera 23:31

Ko a tia n riki ni buakaka riki nakon tarim are te ikawai, ao ko na riai ni mooi man te m'angko are e kanoaaki n uniu.

Etekiera 23:49

Kam na katuaaeaki ngkai kam a tia n riki b'a aineni mataawa ao i bukin taromauriaia bouannanti, ao kam na ataia iai b'a bon te UEA Ngai ae te Atua.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 33:29

N na katuaaeko i bukin am bure nako, ao N na onika am botannaomata nakon te rereua ae akea kain aona. Ao ane ko na ataia iai b'a bon te UEA Ngai.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Etekiera 6:7

A na bane ni mate aomata ni kabuta te aba. Ao aika a reke maiuia a na ataia b'a boni Ngai ae te UEA ae I karaoi b'aai aikai.

Etekiera 7:27

Ao a na bon bua naba aia kaantaninga ami uea ma ami mataniwi nako ao a tang ni korakai. Ane a na ruru baimi i bukin korakoran te maaku. N na katuaaingkami i bukin ami bure ao N na bon karaoa naba nakoimi aron are I a tia ni karaoia nakoia tabem'aang. Ao ane kam na ataia iai b'a bon te UEA Ngai.

Etekiera 7:3

b'a katuaaeana i bukin ami bure aika a rangi ni ribaaki. I a rangi ni un Ngai ae te UEA

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Otea 12:2

E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Amota 7:8

Ao E kataetaeai, “Tera ae ko nooria?” Ao I kaangai, “te kora ni kaeti.” Ao E taku, “I kamanena te baei ni katereterea b'a ti te bo Au aomata ma aron te o ae e aki tei n eti raoi. Ma ngaia ae N na bon aki manga bita nanou i bukin oreaia.

Tekaria 11:6

Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Ebera 10:30

B'a ti ata Teuare kangai, “Au b'ai te kareke kai; N na kabobo Ngai”; Ao manga aio: “E na motiki taekaia ana botannaomata te Uea.”