Etekiera 7:3 - Te B'aib'ara

³ b'a katuaaeana i bukin ami bure aika a rangi ni ribaaki. I a rangi ni un Ngai ae te UEA

Etekiera 7:3 ပူးပေါင်းရင်းမြစ်များ

Karikani B'aai 6:13

Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.

Itaia 47:7

Ko taku n am iango ko na riki b'a te ueanaine n aki toki. Ko aki tabe ma te b'ai ae ko a tia ni karaoia; ko bon aki roko n te uringnga ae ko na manga m'ane.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Etekiera 11:21

Ma a na katuaaeaki koraki akana a taromauri taiani bouannanti ao a na karekea te b'ai are a bon uaa korona. Bon aei Au taeka Ngai ae te UEA.

Etekiera 16:38

N na kuneko b'a ko bure b'a ko a tia n riki b'a te ainenum'a ae e aki kakaonimaki ao te tia tiritiri, Ao n anga motikan taekam b'a ko na kamateaki!

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Etekiera 21:25

E a roko ngkai bongin kabanean katuaaeakimi ikai.

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 33:20

Ma a bon teimatoa naba n taku Iteraera b'a e aki eti ae I karaoia. Ma ngaia ae ko na kauringiia b'a a na bon katuaaeaki i bukin te b'ai ae a tia ni karaoia.

Etekiera 36:19

ao I kauamaae nakoia nako ia botannaomata ake tabeua, n aron ae a bon uaa korona.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Etekiera 7:27

Ao a na bon bua naba aia kaantaninga ami uea ma ami mataniwi nako ao a tang ni korakai. Ane a na ruru baimi i bukin korakoran te maaku. N na katuaaingkami i bukin ami bure ao N na bon karaoa naba nakoimi aron are I a tia ni karaoia nakoia tabem'aang. Ao ane kam na ataia iai b'a bon te UEA Ngai.

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Otea 12:3

I m'ain bungiakin Iakob'a, E a kaman kam'anea tarina, ao ngke e tabe n rikirake, e manga un ma te Atua.

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.