Etekiera 7:13 - Te B'aib'ara

¹³ ao aomata akana a kaboonakoi aia b'ai a na aki konaa ni manga kabooi ni kaoki aia b'ai, i bukina b'a kam na bane ni katuaaeaki i bukin ami bure. N na bon aki bita nanou!

Etekiera 7:13 ပူးပေါင်းရင်းမြစ်များ

Etita 8:8

Ma e aki konaa ni katokaki te katanoata are e karaoaki n aran te uea ao e kanikinaeaki n ana m'am'a. Ma e ngae n anne, ao kam boni konaa ni koroboki nakoia I-Iutaia n aron te b'ai are kam bon taku; ma kam na koroboki n arau ao ni kanikinaea naba n au m'am'a.

Iobi 15:25

A riki baikai, b'a a tia ni kataia ni katokai baiia i aon te Atua, ma ni kataia ni kaaitaraa teuare moan te m'aaka.

Taian Areru 52:7

“Nora te aomata ae rawa n onimakina te Atua i bukini kamanoana, Ma e onimakin kaub'aina aika bati, Ao e iangoia b'a e na reke kab'aiana n arona ni bangaomata.”

Te Minita 8:8

Ti aki konaa n tautaekana te ang ke ni baairea ara bong ni mate. Bon akea ae e konaa ni biri nako mani boong ni buaka, ao akea naba ae e konaa ni karabaa i akuun te buakaka.

Etekiera 12:25

N na anganiia au rongorongo, ao e na bon riki te b'ai ae I taekinna. Kam na kauringiia taan kamangao akanne b'a e a roko te tai are a na katuaaeaki iai. Boni Ngai ae te UEA ae I karaoa te berita aei.

Etekiera 12:28

Ma ngaia ae, ko na tuangiia b'a a na koro bukin au taeka ni kabane, n aron are I a tia ni kauringiia iai. Bon aei Au taeka Ngai ae te UEA.

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Nakoaia Ibonga 25:13

N ririkin te Iubire aei, ao a riai ni bane n oki b'aai nakoia naake bon aia b'ai.

Nakoaia Ibonga 25:31

Ma te auti ae e mena i tinanikun te kaawa, e kona ni kabooaki ni kaokaki n te tai n aki akaaka kanga ai aron te tawaana. Ao e riai ni kaokaki nakon te aomata are bon abana ni koaua n Ririkin te Iubire.