Etekiera 7:11 - Te B'aib'ara

¹¹ ao a biri nako buure aika a tiritiri. Bon akea i buakomi ae e na reke maiuna n te kabuanib'ai aei, ao a na bane ni maaerikiriki ami b'ai nako aika a rangi ni kakaawaki.

Etekiera 7:11 ပူးပေါင်းရင်းမြစ်များ

Taian Areru 125:3

E na aki teimatoa aia tautaeka akana buakaka i aon abaia akana onimakina te Atua; ke ni kairiia b'a ana karaoi m'akuri aika bubuaka.

Taian Areru 73:8

A ngareakiniia aomata tem'angina ao a atoatong taeka aika aki raraoi; A kainikatonga ao a kario iango n ribuaka b'a b'ain ekakinakoaia tem'angina.

Taian Areru 78:64

A mate aia ibonga n te kabaang, Ao a aki kariaiakaki aine ake a mate buia b'a a na tang n nanokawaki.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Ieremia 22:18

Ieoiakim, bon akea temanna ae e na tang ngkana ko mate. A na bon aki rairaki n titiraki aomata ni kaangai, “E aera ngkai e konaa ni mate ara uea ae e kakannato?”

Ieremia 25:33

Ngkana e oro, N na tiringiia aomata aika a m'aiti n te aro are a na raea rab'ataia i aon te tano kaanga nakotariia maan. Bon akea temanna ae e na tiku n te aro are e na reke taunakiia ke n tanginiwenei i bukiia.

Ieremia 6:7

E raanganako te buakaka man ami kaawa kaanga te ran man te koburake n ran. E na ongo te aba karongoaan taian tiritiri mai nanon oon ami kaawa; A na raea konan te buaka n taabo nako, a ikoaki ao a mate.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 5:4

Ao i mwiina, ko na buuti tabeua taian ira ao karenakoi nako nanon te ai, b'a a na bue. Aio te ai are e na rakanako, ni kamaunaia kaain Ierutarem ni kabane.

Etekiera 6:11

Ao E a manga taku te UEA: Etekiera, kaaioroi am timoi ao kabukibuki waem i bukin korakain nanom! Ko na tang n nanokawaki, i bukina ngkai a tia Iteraera ni karaoi m'akuri aika a rangi n ribaaki ao ngkai a nang tiringaki irouia te taanga ni buaka, ke ni mate man te baki ao te aoraki.

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Etekiera 7:23

E na mangaongao aon abami ni kabane! E na onrake aon Iteraera irouia taan tiritiri ao taan iowawa,

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Amota 6:3

Ma ngkai kam aki kan muuti n te bong n urub'ai ae nang roko, ao e na bon roko uruami mai rouia aika a buakaka i bukin ami m'akuri aika a buakaka.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mika 3:3

Kam kaniia au aomata, kam kanakoi kuniia, kam otoi riia ao kam korokoroia nako nanon te b'aata kaanga taian iriko maiu.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.