Etekiera 6:7 - Te B'aib'ara

⁷ A na bane ni mate aomata ni kabuta te aba. Ao aika a reke maiuia a na ataia b'a boni Ngai ae te UEA ae I karaoi b'aai aikai.

Etekiera 6:7 ပူးပေါင်းရင်းမြစ်များ

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 7:5

A na ataia kaain Aikubita b'a te UEA Ngai ngkana e riki aei.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 25:33

Ngkana e oro, N na tiringiia aomata aika a m'aiti n te aro are a na raea rab'ataia i aon te tano kaanga nakotariia maan. Bon akea temanna ae e na tiku n te aro are e na reke taunakiia ke n tanginiwenei i bukiia.

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Etekiera 11:10

Kam na tiringaki i bon oin abami, ma e na riki anne i m'aain ae kam ataia ae bon Ngai ae te UEA ae I karaoi baikai.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 12:15

E na kairoroia nikiraia kaain Ierutarem b'a a na maeka i abaia botannaomata ianena, ao a na uringaaba iai b'a bon ngaiia aika a karaoi baikai ni kabane.

Etekiera 12:19

Tuangiia Iteraera b'a bon Ngai ae te UEA ae I taekinna b'a e na roko te bong are a na bane n ruru iai kaain Ierutarem ngkana a am'arake ao ngkana a mooi. E na uruakaki abaia ao a na akea kaaina, i bukina ngke a tia n iowawa ao n tiritiri.

Etekiera 13:14

A kataia burabeti aika a b'anga ni kewe aikai ni karabaa te buakaka i Ierutarem, ma N na korouaa te kaawa ni kab'aka, ni kabane ni karokoa aana. Ao ngkana e b'aka, a na tiringaki burabeti aikai, ao ane a na ataia aomata ni kabane b'a boni Ngai ae I karaoi baikai.

Etekiera 13:21

N na raeraei taiani kunnikai ake a kabaea i aon ram'aia ma ni kamaiuia Au aomata man m'aakaia te moan tai ao te kabanea naba n tai. Ao ane a na ataia iai b'a bon te UEA Ngai ae te Atua.

Etekiera 13:23

N na bon aki manga kariaia aine aikai b'a a na anga te rongorongo ae a kaairua ma ni kamanenai taiani tabunea, ao N na kainaomataia au aomata man aia babaaire. Ao ane a na ataia iai b'a boni Ngai ae te UEA ae I karaoi baikai.

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 14:8

ni manga eekiko nako. N na karaoiko b'a te b'ai ni kauring nakoia tabem'aang akana a na karaoa naba te aekaki anne, ao ko na aki manga atongaki b'a au aomata. Ao ane ko na ataia iai b'a bon te UEA Ngai ae Ko a tia ni bure nakoina.

Etekiera 15:7

kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 20:42

ao kam na ataia b'a bon te UEA Ngai are I kaokingkami nako Iteraera, te aba are I berita iai nakoia ami bakatibu.

Etekiera 20:44

ma ngaia ae kam bon riai ni katuaaeaki. Ma N na karaoa nakoimi te b'ai ae e na reke iai karinean arau, ao kam na ataia b'a te UEA ae te Atua Ngai.

Etekiera 22:16

Kam na kananorinanoaki i mataia botannaomata ake tabeua. Ao ane kam na ataia iai b'a boni Ngai ae te UEA ae te Atua ae I karaoi b'aai aikai.

Etekiera 23:49

Kam na katuaaeaki ngkai kam a tia n riki b'a aineni mataawa ao i bukin taromauriaia bouannanti, ao kam na ataia iai b'a bon te UEA Ngai ae te Atua.

Etekiera 24:24

Boni ngai kanikinaean te kauring, I karaoi b'aai nako aika kam riai naba ni karaoi. Ao ane kam na ataia iai b'a bon te UEA ae te Atua ae E karaoi baikai ni kabane.

Etekiera 24:27

Ao ane kam na manga konaa n taetae, ao kam na kaai n taetae ngkami ni kauoman. Kam na riki b'a te kanikina ni kauring nakoia aomata, ao ana ataai iai b'a bon te UEA.”

Etekiera 25:17

N na kareke kaiia n uniu ae e korakora. Ao ane a na ataai b'a bon te UEA Ngai ngkana I katuaaia.

Etekiera 26:6

ao a na tiringaki aomata ake a maeka ni kaawa ake i mataniwiin taari. Ao ane kam na ataai iai b'a bon te UEA Ngai.

Etekiera 28:23

N na kanakoa te aoraki ae e kamaamate b'a e na kamaunaingkami, ao N na kanakoia kairiribai b'a a na tauingkami ma n katobibingkami. A na tiringaki am aomata, ao ko na ataai b'a bon te UEA Ngai.

Etekiera 30:26

N na kamaaenakoia kaain Aikubita n te aonnaba. Ao ane ana ataia iai b'a bon te UEA Ngai.”

Etekiera 32:15

E na riki Aikubita b'a te aba ae akea kain aona ae akea manenana, ao bon akea te b'ai teuana ae e maiu ae e na konaa ni manga maiu ikekei. Ao ane ko na ataia ma am aomata b'a bon te UEA Ngai.

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Etekiera 38:23

N na karaoi baikai ni kaotia nakon te aonnaba b'a bon te UEA Ngai ae I tabu.

Etekiera 6:13

Aikai aomata ake a aki toki n angaanga te b'ai ni kaboiarara nakoia taian bouannanti n taian baonikarea ake a karaoaki i aon taian tabuki ke taberan maunga ao i aan nuun kaai aika taian oke. Ma ngkana a nooria aomata aika a mate i rarikin taian baonikarea, ao ane a na ataai iai b'a bon te UEA Ngai.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 9:7

Ao E taku te UEA, “Kabuakaka te Tembora ni kab'arikoi taiani mate i nanon katawanangin te Tembora. Waakina ami m'akuri!” Ao a m'ananga nako n tiringiia Iteraera.