Etekiera 5:6 - Te B'aib'ara

⁶ Ma a kakaitaraai kaain Ierutarem ao a rawa n ongotaeka irou. A katinanikuia au tua nako ao a tia n korakora riki aia bure nakoia botannaomata nako akana i rarikina.

Etekiera 5:6 ပူးပေါင်းရင်းမြစ်များ

2.Uea 21:11

E a tia te uea are Manate ni karaoi riki b'aai aika a kam'araa riki nakoia kaain Amora, ao e a tia ni karekeia au Aomata n te bure ngke e kairoroia b'a a na taromauria ana bouananti.

2.Uea 21:9

Ma a aki ongotaeka kaain Iuta nakon te UEA. A ongo iroun Manate, ao a karaoi riki b'aai aika a kam'araa nakoia botannaomata ake E a tia te UEA ni kanakoia.

Neemia 9:34

A tia ara uea, ara taani kairiiri, ao ara ibonga n aki ongotaeka nakon am tua ke n ongotaeka nakon am kauring nako.

Neemia 9:35

Ko kakab'aiaia ma te abanuea n te kaub'ai, ao marin te aba ae moan te korakora ma a bon rawa naba n taromauriiko ke n rairaki nako man te buakaka.

Taian Areru 106:20

A onika mimitongin te Atua nakoni katotongan te kao ae kaakang uteute.

Taian Areru 78:10

A aki kawakina aia boraraoi ma te Atua; A rawa n ongeaba nakon ana tua.

Te Otinako 16:28

Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 8:5

Ma ngaia are, e aera ngkai kam rawa n oki nako iu? E aera ngkai kam baimatoai antimi ni kewe?

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 16:51

Kam a tia ngkami aika kaain Ierutarem ni kauoua buakakan ami bure nakoia kaain Tamaria. E a manga taraa n akea ana bure Totom ma Tamaria i bukin buakakan ami m'akuri.

Taniera 9:15

Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.