Etekiera 5:12 - Te B'aib'ara

¹² A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:12 ပူးပေါင်းရင်းမြစ်များ

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Ieremia 13:24

N na kamaaenakoingkami, kaanga aron angin te rereua ngkana e uka nako kunin te uita ni kakibarakea nako eta.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 15:2

Ao i mwiina, a na titiraki b'a a na kanakoaki nakea, ao tuangiia Au taeka Ngai ae te UEA ae e kaangai: Tabeman maibuakomi a na mate n te aoraki ae e kamaamate. Ao tabeman, a na mate n te buaka ke n te baki. Ao nikiraia ana uotaki nako abaia ianena.

Ieremia 15:9

E rawaawata nanon te tina ao e nikobuaka. A tia n onikaki ana bong aika a oota nakon te rootongitong i bukin mateia natina mm'aane aika a itiman. N na tiringiia ni kabane taian nikira ni maiu. Bon aei au taeka Ngai ae te UEA.

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 42:22

Ma ngaia ae, kam na mate i Aikubita n te buaka, te baki, ke te aoraki.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 9:15

Ma ngaia are, I berita Ngai ae te UEA ae Moan te M'aaka, ae Atuaia Iteraera, b'a N na kaboitiniia ni kaam'arakeia ma ni kamooia.

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

Etekiera 12:14

A na uamaae nako ana mataniwi ao ana taanga ni buaka nakon taabo nako, ma e na rimwiia te UEA ma n tiringiia.

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Etekiera 14:19

Ao ngkana I a rangi ni un ao I a kanakoa te aoraki ae e kamaamate b'a e na kamaunaia aomata aika a buubure ma aia nanai ni man.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 16:42

Ao i mwiin anne, e na toki uniu, ao e na rau nanou. N nang aki manga oki n unun ke ni kokoo.

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Etekiera 33:27

Ngkai bon te UEA Ngai ae e maiu ae te Atua, ao kam na bane ni mate ngkami akana kam maeka ni kaawa aika a uruaki. Ngkami akana kam maeka i tinanikun te kaawa kam na kanaki irouia maan aika a aki manana, ao akana a karabaia i nanon taian nangananga ao taabo aika a katati kam na mate n te aoraki ae e kamaamate.

Etekiera 36:19

ao I kauamaae nakoia nako ia botannaomata ake tabeua, n aron ae a bon uaa korona.

Etekiera 43:8

A katei aia bareti uean Iteraera ni katenaia ma au Tembora ae e tabu n te aro are ti te bo marenaia ma Ngai. Ao i mwiina, a kamatauningaai n aia m'akuri aika a buakaka, ao I kamaunaia ni korakoran uniu.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 5:17

A na tiringaki natimi n te baki ao irouia maan aika a aki manana. N na katuaaingkami n taian aoraki aika a kakamaaku, ao a na oroingkami kairiribai ni kab'akaingkami n aia kabaang. Bon aei au taeka Ngai ae te UEA.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.

Etekiera 7:3

b'a katuaaeana i bukin ami bure aika a rangi ni ribaaki. I a rangi ni un Ngai ae te UEA

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Amota 9:4

Ngkana a kairaki nako b'a taenikai irouia aia kairiribai, ao N na tua b'a a na bane n tiringaki. I a tia ni motika nanou b'a N na tiringiia, ao N na bon aki manga buokiia.”

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Te Tua-Kaua 28:65

Ane na aki reke motirawami, ao e na roko n taai nako uringan mwengami, ao kam na bon aki kona n okirikaaki.

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.